TDP : గుంటూరు వెస్ట్‌లో క‌లివిడి లేని కూట‌మి.. ఇలా అయితే ఎలా గెలుస్తావ్ గ‌ల్లా మాధ‌వి..?

కూట‌మి అంటేనే.. విడివిడిగా ఉన్న పార్టీలు కాసేపు సిద్ధాంత రాద్ధాంతాల‌ను కూడా ప‌క్కన పెట్టి.. రాజ‌కీ యాల్లో ప్రత్యర్థుల‌ను ఓడించేందుకు.. ముందుకు రావ‌డం. ఈ క్రమంలో ఆయా పార్టీలు ఉమ్మడి అజెండా లు నిర్దేశించుకుని.. ప్రజ‌ల్లోకి వెళ్లడం. త‌ద్వారా అధికారంలోకి రావడం అనేది కూట‌మి పార్టీల ఉమ్మడి ల‌క్ష్యం. ఈ క్రమంలోనే ప్రస్తుత ఎన్నిక‌ల్లో టీడీపీ అధినేత చంద్రబాబు, జ‌న‌సేన అధినేత ప‌వ‌న్ క‌ల్యాణ్ లు క‌లిసి.. బీజేపీతో పొత్తు పెట్టుకున్నారు.మొత్తంగా కూట‌మి ఏర్పడింది.. సీట్లు పంచుకున్నారు.. బాగానే ఉంది. కానీ, ఇక్కడ చిత్రం ఏంటంటే.. క్షేత్రస్థాయిలో ఓట్లు పంచుకుంటే త‌ప్ప.. ఓట్లు బదిలీ అయితే తప్ప అధికారంలోకి వ‌చ్చే ప‌రిస్థితి లేదు. లేదా.. ఆయా పార్టీల అభ్య ర్థులు గెలిచే పరిస్థితి కూడా క‌నిపించ‌డం లేదు. మ‌రి కూట‌మిలో క‌లివిడి త‌నంతో ముందుకు వెళ్లాలి.