Sun Sep 08 2024 00:18:10 GMT+0000 (Coordinated Universal Time)
IPL 2024 : నేడు ఐపీఎల్ లో అసలైన మ్యాచ్
నేడు ఐపీఎల్ లో చెన్నై సూపర్ కింగ్స్ తో బెంగళూరు రాయల్ ఛాలెంజర్స్ తలపడుతుంది
![IPL 2024 : నేడు ఐపీఎల్ లో అసలైన మ్యాచ్ IPL 2024 : నేడు ఐపీఎల్ లో అసలైన మ్యాచ్](https://www.telugupost.com/h-upload/2024/05/18/1618093-ipl.webp)
ఐపీఎల్ 17వ సీజన్ ముగియడానికి ఇంకా వారం రోజులు మాత్రమే సమయం ఉంది. ఇప్పటికే మూడు జట్లు ప్లే ఆఫ్ కు చేరుకున్నాయి. రాజస్థాన్ రాయల్స్, కోల్కత్తా నైట్ రైడర్స్, హైదరాబాద్ సన్ రైజర్స్ జట్లు ప్లేఆఫ్ కు చేరుకున్నాయి. పాయింట్ల పట్టికలో ఈ మూడు అగ్రస్థానంలో ఉన్నాయి. నాలుగో స్థానం కోసం నేడు పోటీ జరగనుంది. దాదాపు అన్ని జట్లు ప్లే ఆఫ్ రేసు నుంచి తప్పుకున్నాయి. ఒక్క చెన్నై సూపర్ కింగ్స్, బెంగళూరు రాయల్ ఛాలెంజర్స్ మాత్రం తమ అదృష్టాన్ని ఇంకా పరీక్షించుకుంటున్నాయి.
బెంగళూరులో నేడు...
నేడు ఐపీఎల్ లో చెన్నై సూపర్ కింగ్స్ తో బెంగళూరు రాయల్ ఛాలెంజర్స్ తలపడుతుంది. బెంగళూరు వేదికగా రాత్రి 7.30 గంటలకు మ్యాచ్ జరగనుంది. ఈ మ్యాచ్ లో చెన్నై సూపర్ కింగ్స్ గెలిస్తే నేరుగా ప్లే ఆఫ్ కు చేరకుంటుంది. అలా కాకుండా బెంగళూరు జట్టు గెలిస్తే మాత్రం రేపు సన్ రైజర్స్ హైదరాబాద్ తో పంజాబ్ కింగ్స్ తో జరిగే మ్యాచ్ తో ప్లేఆఫ్ స్థానం ముడిపడి ఉంటుంది. అందుకే ఈరోజు మ్యాచ్ కీలకమని చెప్పాలి. ఇరుజట్లకు కావాల్సినంత మంది ఫ్యాన్స్ ఉన్నారు. వర్షం కారణంగా రద్దయితే చెన్నై సూపర్ కింగ్స్ కు ప్లేఆఫ్ చేరే ఛాన్స్ లున్నాయి. ఇరు జట్లు బలంగా ఉండటంతో ఈరోజు మంచి మ్యాచ్ చూసే అవకాశం క్రికెట్ ఫ్యాన్స్ కు దొరుకుతుంది.
Next Story