IPL 2024 : నేడు మరో అదిరిపోయే మ్యాచ్‌లు .. డబుల్ ధమాకా
ఈరోజు రెండు మ్యాచ్‌లు జరగబోతున్నాయి. సన్ రైజర్స్ వర్సెస్ కోల్ కత్తా, ఢిల్లీ వర్సెస్ పంజాబ్ ల మధ్య మ్యాచ్‌లు జరగనున్నాయి
ఈరోజు సన్ రైజర్స్ హైదరాబాద్ తో కోల్‌కత్తా నైటర్ రైడర్స్ మ్యాచ్ జరగనుంది. కొత్త కెప్టెన్సీగా బాధ్యతలను చేపట్టిన కమిన్స్ సన్ రైజర్స్ ను ఈ సీజన్ లో ఒక రేంజ్ కు తీసుకెళ్లాలని భావిస్తున్నాడు. అందుకే ఈ జట్టు బలమైన జట్టుగా బరిలోకి దిగనుంది. సన్ రైజర్స్ హైదరాబాద్ యాజమాన్యం కమిన్స్ ను 20.5 కోట్ల రూపాయలకు దక్కించుకున్నందునే తనకు అంత మొత్తం ఇచ్చినందుకు తగిన ప్రతిఫలం మైదానంలో చూపాలన్న ప్రయత్నంలో కమిన్స్ ఉన్నాడు. అతడికే కెప్టెన్సీ బాధ్యతలను అప్పజెప్పడంతో పాటు జట్టులో మారక్ఖ్రమ్, ట్రావిస్ హెడ్, క్లాసెన్, హసరంగ వంటి ఆటగాళ్లు ఉండటం కొంత కలసి వస్తుందని అంచనాలు వినిపిస్తున్నాయి. అదే సమయంలో కోల్‌కత్తా నైట్ రైడర్స్ కూడా బలంగానే ఉంది. శ్రేయస్ అయ్యర్ ఈజట్టుకు కెప్టెన్సీ బాధ్యతలను వహిస్తున్నాడు. ఈ జట్టులో రసెల్, గుర్బాజ్, ఫిల్, సాల్ట్, నరైన్, నితీశ్ రాణా, వరుణ్ చక్రవర్తి, వెంకటేశ్ అయ్యర్ వంటి వారు ఉండటంతో బలంగా కనిపిస్తుంది.
