IPL 2024 : ముంబయి కూడా అంతకు మించి ఆడినట్లే.. కానీ సహకారం కొరవడి?

అలాగే గెలవలేదు కానీ.. గెలిచినంత పనిచేసింది ముంబయి ఇండియన్స్ జట్టు. అంత పెద్ద స్కోరు అయినా కేవలం 31 పరుగుల తేడాతోనే ఓటమి పాలయింది. ఒకదశలో ముంబయి జట్టు గెలుస్తుందేమోనని అనిపించింది. కానీ తృటిలో గెలుపు గేటు తెరుచుకోవడం తప్పి పోయింది కానీ లేకుంటే గెలిచేదేమో. ముఖ్యంగా తెలుగు కుర్రోడు తిలక్ వర్మ చెలరేగి ఆడాడు. 34 బంతుల్లోనే 64 పరుగులు చేశాడు. టిమ్ డేవిడ్ 42 పరుగులు, ఇషాన్ కిషన్ 34, రోహిత్ శర్మ 26 పరుగులు చేశారు.

అయితే బంతులు ఎక్కువగా లేకపోవడం లక్ష్యం పెద్దది కావడంతో ముంబయికి ఓటమి తప్పలేదు. కెప్టెన్ కమిన్స్, ఉనద్కత్ జయదేవ్ తలో రెండు వికెట్లు తీసి ముంబయి పతనాన్ని శాసించారు. ఈ సీజన్ లో ముంబయి ఇండియన్స్ కు రెండు జట్లతో తలపడి ఓటమి పాలుకాగా, సన్ రైజర్స్ మాత్రం రెండింటిలో తలపడి ఒక జట్టుపై గెలిచి రేసులో తానున్నానని నిరూపించుకుంది. రెండు జట్లు కెప్టెన్సీలు మార్చాయి. ఆ తర్వాత జరిగిన మ్యాచ్ లలో ఫలితాలు ఇలా ఉండటంపై నెటిజన్లు పలు విధాలుగా కామెంట్స్ పెడుతున్నారు. ముంబయి ఇండియన్స్ కెప్టెన్సీ మార్చాలంటూ సోషల్ మీడియాలో ఆ జట్టు ఫ్యాన్స్ మండిపడుతున్నారు.