IPL 2024 : ఢిల్లీ గెలిచింది..కాని ప్లేఆఫ్ రేసులో నిలవాలంటే.. చాలా జరగాల్సిందేగా?

కానీ అందరి లెక్కలను తలకిందులను చేస్తూ ఢిల్లీ కాపిటల్స్ ఈ సీజన్ లో తన ప్రతాపాన్ని చూపింది. ప్లే ఆఫ్ కు వస్తుందా? రాదా? అన్నది పక్కన పెడితే.. ఈ సీజన్ లో ఢిల్లీ కాపిటల్స్ అద్భుతమైన పెర్‌ఫార్మెన్స్ చూపించిందనే చెప్పాలి. ఎందుకంటే బలమైన జట్లను కూడా మట్టికరిపించి తమ జట్టు తీసేయడానికి లేదని, తాము చివర్లో కాదని మొదట్లో ఉండేందుకు ప్రయత్నిస్తామని ఆ జట్టు ఫ్యాన్స్ కు బలమైన భరోసాను ఇచ్చేలా ఆడింది. అందుకే ఢిల్లీ కాపిటల్స్ జట్టు ఇప్పుడు సమిష్టి కృషితో రాణిస్తుంది. బౌలింగ్ పరంగా, బ్యాటింగ్ పరంగా బలంగా తయారైంది. అందుకే ఢిల్లీతో తలపడాలంటే మిగిలిన జట్లు కాస్త ఆలోచించుకోవాల్సిన పరిస్థితి ఏర్పడింది.

నిన్న జరిగిన లక్నో సూపర్ జెయింట్స్ తో జరిగిన మ్యాచ్ లో ఢిల్లీ కాపిటల్స్ జట్టు విజయం సాధించింది. ప్లేఆఫ్ రేసులో ఇంకా తానున్నానని చెప్పకనే చెప్పింది. లక్నో సూపర్ జెయింట్స్ పరిస్థితి దాదాపు ముగిసినట్లే. మరో మ్యాచ్ లో గెలిచినా అది ప్లేఆఫ్ కు చేరకపోవచ్చు. తొలుత బ్యాటింగ్ చేసిన ఢిల్లీ కాపిటల్స్ జట్లు నాలుగు వికెట్లు కోల్పోయి 208 పరుగులు చేసింది. పోరెల్ 58, స్టబ్స్ 57 పరుగులు చేసి జట్టుకు మంచి స్కోరు అందించారు. అయితే తర్వాత ఛేదనలో బరిలోకి దిగిన లక్నో సూపర్ జెయింట్స్ 9 వికెట్లు కోల్పోయి కేవలం 189 పరుగులు మాత్రమే చేసింది. ఇషాంత్ శర్మ మూడు వికెట్లు తీసి లక్నోను చావుదెబ్బతీశాడు. పూరన్ 61 పరుగులు, అర్షద్ ఖాన్ 58 పరుగులు చేసినా ఫలితం లేకుండా పోయింది. దీంతో లక్నో సూపర్ జెయింట్స్ ఓటమి పాలయింది.