IPL 2024 : లక్ష్యం చిన్నదైనా.. క్యూ కట్టిన పంజాబ్ కింగ్స్.. చెన్నైదే చివరకు విజయం

చెన్నై సూపర్ కింగ్స్ తో పంజాబ్ కింగ్స్ మ్యాచ్ మధ్య జరుగుతున్న మ్యాచ్ ఆసక్తికరంగా సాగుతుంది. తొలుత బ్యాటింగ్ చేసిన చెన్నై సూపర్ కింగ్స్ ఇరవై ఓవర్లలో తొమ్మిది వికెట్లు కోల్పోయి 167 పరుగులు చేసింది. అది స్వల్ప లక్ష్యమే. పంజాబ్ కింగ్స్ కు అది పెద్ద స్కోరు కాదు. చెన్నైకు మరో ఓటమి తప్పదని అందరూ అనుకున్నారు. పంజాబ్ కింగ్స్ ఖచ్చితంగా లక్ష్యాన్ని ఛేదిస్తుందన్న నమ్మకంతో ఆ ఫ్యాన్స్ ఉన్నారు. ఎందుకంటే చెన్నైకి వరస ఓటములు ఆజట్టును కొంత కుంగదీస్తున్నాయి. ఈ పరిణామాలు పంజాబ్ కింగ్స్ కు అనుకూలంగా మారే అవకాశాలున్నాయని అందరూ అంచనాలు వేశారు. కానీ అనూహ్యంగా చెన్నై సూపర్ కింగ్స్ బౌలర్లు విజృంభించారు. పంజాబ్ కింగ్స్ బ్యాటర్లను పెవిలియన్ బాట పట్టించారు. ఛేదించాల్సిన లక్ష్యం పెరుగుతుండటం.. బంతులు తగ్గుతుండటంతో చెన్నై విజయం ఖాయమనిపించింది. చివరకు అదే జరిగింది. ప్లే ఆఫ్ లో ఆశలను సజీవంగా ఉంచుకుంది.