IPL 2024 : ఐపీఎల్ అందుకే.. హిట్ అయింది.. టీం ఇండియాకు మరో మొనగాడు దొరికినట్లే

తొలుత బ్యాటింగ్ చేసిన లక్నో సూపర్ జెయింట్స్ 20 ఓవర్లకు 181 పరుగులు చేసింది. లక్నోలో క్వింటన్ డీకాక్ 81 పరుగులు చేసి ఓపెనర్ గా అదరగొట్టాడు. కేఎల్ రాహుల్ త్వరగా అవుటయినప్పటికీ తర్వాత పూరన్ నలభై పరుగులు చేశాడు. మిగిలిన బ్యాటర్లు వెంట వెంటనే అవుట్ కావడంతో పెద్దగా స్కోరు చేయలేకపోయారు. అయితే మంచి బ్యాటర్లున్న బెంగళూరు జట్టుకు ఇది పెద్ద స్కోరు కాదు. అందులోనూ సొంత మైదానంలో బెంగళూరు వేదికగా జరిగినా రాయల్ ఛాలెంజర్స్ మాత్రం ఓటమిని చవి చూడాల్సి వచ్చింది. 28 పరుగుల తేడాతో రాయల్ ఛాలెంజర్ బెంగళూరుపై లక్నో సూపర్ జెయింట్స్ విజయం సాధించింది.

మయాంక్ యాదవ్ దెబ్బకు రాయల్ ఛాలెంజర్స్ బెంగళూరు జట్టు కకావికలమయి పోయింది. కల చెదిరిపోయింది. అవేం బంతులుర్రా బాబూ అంటూ బ్యాటర్లు తలలు పట్టుకున్నారు. 155.8 కిలోమీటర్ల వేగంతో బంతులు విసిరడంతో బంతిని ఎదుర్కొనడమే కష్టంగా మారింది. కేవలం 19.4 ఓవర్లలో 153 పరుగుల చేసి ఆల్ అవుట్ అయింది. బెంగళూరు జట్టులో ఇంపాక్ట్ ప్లేయర్ లోమ్రార్ ఒక్కడే 33 పరుగులు చేశాడు. దీంతో బెంఘలూరు జట్టు మరో ఓటమిని ఎదుర్కొనింది. లక్నో పాయింట్ల పట్టిక లో పైకి ఎగబాకింది. ఈ మ్యాచ్ లో మరోసారి మయాంక్ పేరు దేశమంతటా మారుమోగిపోతుంది.