అల్లు అర్జున్ మద్దతిచ్చిన వైసీపీ నేత ఓటమి

నంద్యాల‌లో ఐకాన్ స్టార్ అల్లు అర్జున్ మ‌ద్ద‌తు తెలిపిన వైసీపీ అభ్య‌ర్థి శిల్పా ర‌విచంద్ర కిశోర్ రెడ్డి ఓట‌మి చ‌విచూశారు. ర‌విచంద్ర‌పై టీడీపీ అభ్య‌ర్థి మ‌హ్మ‌ద్ ఫ‌రూక్ ప‌ద‌కొండు వేల‌కు పైగా ఓట్ల ఆధిక్యంతో ఘ‌న విజ‌యం సాధించారు. నంద్యాల‌లో శిల్పా ర‌విచంద్ర కిశోర్ రెడ్డి త‌ర‌ఫున బ‌న్నీ ప్ర‌చారం చేసిన విష‌యం తెలిసిందే. దీన్ని చాలామంది జ‌న‌సైనికులు త‌ప్పుబ‌ట్టారు. అంతేకాకుండా అల్లు అర్జున్‌, ర‌విచంద్ర‌పై అనుమ‌తి లేకుండా జ‌నాల‌ను పోగు చేశారంటూ పోలీసులు కేసు కూడా నమోదు చేశారు.