Chandrababu : ఎన్డీఏ పక్ష సమావేశంలో చంద్రబాబు కీలక వ్యాఖ్యలు

రాష్ట్రాన్ని అభివృద్ధి చేయడమే లక్ష్యంగా ముందుకు వెళతామని తెలిపారు. ఈ మూడు పార్టీల కలయిక శాశ్వతంగా ఉండాలని కోరుకుంటున్నానని చంద్రబాబు సంచలన వ్యాఖ్యలు చేశారు. కేంద్ర ప్రభుత్వం సహకారం లేకపోతే రాష్ట్రంలో అభివృద్ధి జరగదని చంద్రబాబు అన్నారు. ఎమ్మెల్యేలు కూడా ప్రజాభిప్రాయానికి అనుగుణంగా పనిచేయాలన్నారు. ప్రజలు మనకు ఇచ్చిన తీర్పును గౌరవిస్తూ వారి సమస్యలను ఎప్పటికప్పుడు అడ్రస్ చేస్తూ వారికి అండగా నిలబడాలని కోరారు. కేంద్ర ప్రభుత్వం నుంచి పూర్తి సహకారం లభిస్తుందన్నారు. కేంద్ర ప్రభుత్వ పథకాలను ఎమ్మెల్యేలు నియోజకవర్గాల్లో సద్వినియోగం చేసుకోవాలని చంద్రబాబు కోరారు. కేంద్రాన్ని ఒప్పించి ప్రతి ఇంటికీ జలజీవన్ మిషన్ ద్వారా సురక్షితమైన మంచినీరు అందిస్తామని తెలిపారు. కేంద్రం నుంచి నిధులు తెచ్చేందుకు అన్ని రకాలుగా ప్రయత్నిస్తామని చంద్రబాబు తెలిపారు. వికసిత్ ఆంధ్రప్రదేశ్ లక్ష్యంగా అందరూ పనిచేయాలని చంద్రబాబు పిలుపు నిచ్చారు.