Amaravathi : ఏపీ వాసులకు గుడ్ న్యూస్ చంద్రబాబు కీలక నిర్ణయం.. తొమ్మిది నెలలే లక్ష్యం

దీంతో పాటు ఎమ్మెల్యేలు, ఎమ్మెల్సీల అపార్ట్‌మెంట్లకు సంబంధించిన పనులకు సంబంధించిన అంచనాలను కూడా అందులోనే పేర్కొంది. అయితే దీనికి సంబందించి చంద్రబాబు నాయుడు అంచనాలను పరిశీలించిన తర్వాత ఈ పనులను పూర్తి చేయడానికి వెంటనే టెండర్లు పిలవాలని ఆదేశించారు. టవర్లను తొమ్మిది నెలల్లో సిద్ధం చేయాలని అధికారులను ఆదేశించారు. రాజధాని ప్రాంతంలో ఇప్పటికే 36 కోట్ల రూపాయలు వెచ్చించి ముళ్లపొదలు తొలగించారు. మళ్లీ చెట్లు పెరగకుండా అవసరమైన చర్యలు తీసుకోవాలని సూచించారు. తొమ్మిది నెలల్లోగా ఎమ్మెల్యేలు, ఎమ్మెల్సీలు, ఐఏఎస్ లకు సంబంధించిన టవర్లను అందుబాటులోకి తేవాలని చంద్రబాబు ఆదేశించారు.

సీడ్ యాక్సెస్ రహదారికి ఆనుకునే పన్నెండు అంతస్థులతో ఈ భవనాలను నిర్మిస్తున్నారు. మొత్తం పద్దెనిమిది టవర్లను నిర్మిస్తున్నారు. ఇందులో మొత్తం 432 అపార్ట్‌మెంట్లు అందుబాటులోకి రానున్నాయి. వీటిని ఎమ్మెల్యేలు, ఎమ్మెల్సీలు, ఐఏఎస్ లకు కేటాయిస్తారు. ఇప్పటి వరకూ ఈ టవర్ల నిర్మాణానికి 445 కోట్లు వెచ్చించింది. మరో 525 కోట్లను అంచనాలను రూపొందించింది. అంటే మొత్తం వెయ్యి కోట్ల రూపాయలతో ఈ టవర్ల నిర్మాణం జరిగిందని అనుకోవాలి. అది పూర్తయితే రాజధాని అమరావతికి ఒక రూపు రేఖలు వస్తాయని భావిస్తున్నారు. ముందు పెండింగ్ లో ఉన్న పనులు పూర్తి చేసుకుంటే తర్వాత అసెంబ్లీ, సెక్రటేరియట్, హైకోర్టుకు సంబంధించి కొత్త భవనాలకు టెండర్లను పిలిచే అవకాశముందని తెలిసింది. మొత్తం మీద చంద్రబాబు నాయుడు రాజధాని అమరావతి విషయంలో మంచి స్పీడ్ లో ఉన్నారు. నిధులు ఎంత ఖర్చు చేయడానికైనా వెనకాడటం లేదు.