Andhra Pradesh : బీసీలకు గుడ్ న్యూస్ చెప్పనున్న ఏపీ సర్కార్

ఈ రెండు పథకాలను కలిపితే లబ్దిదారులకు రెండు విడతల్లో మూడు లక్షల రూపాయల వరకూ రుణం కల్పించవచ్చు. దీని వల్ల వృత్తిపనివారలు తమ పనిముట్లను కొనుగోలు చేసుకోవచ్చు. తమ చిరు వ్యాపారాలను అభివృద్ధి చేసుకోవచ్చు. ఈ పథకం కింద ఎంపికయిన వారికి రెండు విడతల్లో రుణాన్ని మూడు లక్షల రూపాయలు అందచేస్తారు. అయితే బ్యాంకులు ఇందుకోసం పదమూడు శాతం వడ్డీ విధిస్తుంది. ఈ రుణం తీసుకున్న వారికి వడ్డీలో ఎనిమిది శాతం కేంద్ర ప్రభుత్వం భరిస్తుంది.

అయితే మిగిలిన ఐదుశాతం ఆంధ్రప్రదేశ్ ప్రభుత్వం చెల్లించగలిగితే పూర్తిగా మూడు లక్షల రూపాయలు వడ్డీ లేని రుణాలను అందించే వీలుంటుంది. ఇది బీసీలకు ఎంతో సౌకర్యంగా ఉంటుంది. ఈ మేరకు ఆంధ్రప్రదేశ్ బీసీ సంక్షేమ శాఖ ప్రతిపాదనలను సిద్ధం చేసినట్లు సమాచారం. అయితే ఆదరణ పథకం కింద అర్హులైన లబ్దిదారులు ఎంత మంది ఉన్నారు? వారిలో ఆదరణ పథకం కింద ఈ పథకం వర్తింపచేయడానికి సంబంధించి పూర్తి స్థాయి సర్వే ఏపీలో ప్రారంభమయిందని తెలిసింది. అదే జరిగితే బీసీలకు ఏపీలో పండగ అని చెప్పాలి.