Andhra Pradesh : నేటి నుంచి ఏపీ ప్రజలకు గుడ్ న్యూస్.. ఇక ఇసుక ‌ఫ్రీ

ఆంధ్రప్రదేశ్ ప్రభుత్వం నేటి నుంచి ఉచిత ఇసుక విధానాన్ని ప్రవేశపెడుతుంది. కొత్త ప్రభుత్వం అధికారంలోకి వచ్చిన వెంటే ఇసుక విధానంలో మార్పులు తెచ్చారు. ప్రస్తుతం అదుబాటులో ఉన్న ఇసుకను ఉచితంగా తీసుకుని వెళ్లే సౌకర్యాన్ని కల్పించారు. ఇసుక మాఫియాకు తెరదించారు. అయితే ఉచితంగా ఇసుక తీసుకెళ్లే వాళ్లు రవాణా ఛార్జీలను మాత్రం చెల్లించాల్సి ఉంటుంది. ప్రస్తుతం రాష్ట్రంలో 43 లక్షల మెట్రిక్ టన్నుల ఇసుక పంపిణీకి సిద్ధంగా ఉందని అధికారులు తెలిపారు. ఎంపిక చేసిన ఇసుక రీచ్‌లలో ఈ ఇసుకను అందుబాటులో ఉంచేందుకు అధికారులు అంతా సిద్ధం చేశారు. ఉచిత ఇసుక వల్ల నిర్మాణ రంగం మరింత ఊపందుకుంటుందని ప్రభుత్వం భావిస్తుంది.