ఉచిత వైద్యం అందరికీ : జగన్

రాష్ట్రంలో మొత్తం 28 మెడికల్ కళాశాలలు అందుబాటులోకి రానున్నాయని ఏపీ ముఖ్యమంత్రి వైఎస్ జగన్ తెలిపారు. విజయనగరం జిల్లాలో ఐదు ఆయన మాట్లాడారు. రాష్ట్రంలో ఐదు మెడికల్ కళాశాలలను ప్రారంభించిన అనంతరం ప్రసంగించారు. ఒక్క ఏడాదే 609 పీజీ సీట్లు అందుబాటులోకి వస్తున్నాయన్నారు. స్వాతంత్ర్యం వచ్చాక 11 మెడికల్ కళశాలలు ఉంటే ఈ నాలుగేళ్లలో ఎనిమిది వేల కోట్ల రూపాయలు వెచ్చించి మరో 17 మెడికల్ కళాశాలలను ఏర్పాటు చేసుకుంటున్నామని తెలిపారు. దీనివల్ల 2,250 మెడికల్ సీట్లు అందుబాటులోకి రానున్నాయని చెప్పారు. వెనుకబడిన ప్రాంతాల్లోనూ వైద్య కళాశాలలు రావడం వల్ల మెరుగైన వైద్యం అందుబాటులోకి వస్తుందన్నారు. వీటితో పాటు మరో 18 నర్సింగ్ కళాశాలలు కూడా అందుబాటులోకి వస్తాయని జగన్ తెలిపారు. మెడికల్ సీట్ల సంఖ్య కూడా గణనీయంగా పెరుగుతుందని, తద్వారా ఏపీ విద్యార్థులు ఎక్కువ మంది వైద్య విద్యను అభ్యసించగలుగుతారన్నారు.