పార్టీ పుట్టింది వారి కోసమే
తెలుగుదేశం పార్టీ ఆవిర్భావ దినోత్సవం సందర్భంగా చంద్రబాబు నాయుడు పార్టీ శ్రేణులకు పిలుపు నిచ్చారు
తెలుగుదేశం పార్టీ ఆవిర్భావ దినోత్సవం సందర్భంగా చంద్రబాబు నాయుడు పార్టీ శ్రేణులకు పిలుపు నిచ్చారు. సమైక్యంగా పనిచేసి పార్టీని బలోపేతం చేయాలని కోరారు. పార్టీ ఏర్పడి నలభై ఏళ్లయిన సందర్భంగా ఆయన ట్వీట్ చేశారు. నలభై ఏళ్ల క్రితం ఎన్టీఆర్ చేతుల మీదుగా తెలుగుదేశం పార్టీ ఆవిర్భవించిందని, అది రాజకీయ అనివార్యమని చంద్రబాబు అన్నారు. వ్యక్తుల కోసం, పదవుల కోసం పార్టీని పెట్టలేదని చంద్రబాబు గుర్తు చేశారు.
ప్రశ్నించే తత్వాన్ని....
ప్రజల కోసమే పార్టీ ఆవిర్భవించిందని చంద్రబాబు అన్నారు. పేదలకు కూడు, గుడ్డ, గూడు నినాదంతో తెలుగుదేశం పార్టీ నాడు ఏర్పడిందని చెప్పారు. సామాన్యుల జీవితాల్లో పెనుమార్పులు తెచ్చింది తెలుగుదేశం పార్టీయేనని అన్నారు. అధికారాన్ని అన్ని వర్గాలకు పంచి పెట్టిందని చంద్రబాబు అన్నారు. పాలనపై ప్రశ్నించేతత్వాన్ని ప్రజలకు నేర్పింది టీడీపీయేనని, చారిత్రక ప్రాధాన్యాన్ని గుర్తుకు తెచ్చేలా ఆవిర్భావ వేడుకలను జరుపుకోవాలని, అందరికీ శుభాకాంక్షలని చంద్రబాబు ట్వీట్ చేశారు.