Tirumala : తిరుమలలో భక్తుల రద్దీ నేడు ఎంతో తెలుసా?

తిరుమలలో భక్తుల రద్దీ కొంత తగ్గింది. నేడు భోగి పండగ కావడంతో పాటు సోమవారం కావడం కూడా భక్తుల రద్దీ తగ్గడానికి కారణమని అధికారులు చెబుతున్నారు. సాధారణంగా సోమవారం నుంచి గురువారం వరకూ తిరుమలలో భక్తుల రద్దీ తక్కువగానే ఉంటుంది. సంక్రాంతి మూడు రోజులు పాటు సెలవు దినాలు కావడంతో ఎక్కువ మంది భక్తులు వస్తారని భావించినా భోగి పండగ కావడంతో ఇంటివద్దనే ఉన్నారు. అయితే తిరుపతి స్థానిక ప్రజలు భోగి పండగ చేసుకున్న అనంతరం తిరుమల శ్రీవారి దర్శనం చేసుకుంటారు. పండగ రోజు వెంకటేశ్వరస్వామిని దర్శించుకుంటే మంచిదని, శుభప్రదమని భావిస్తారు. అదే సమయంలో వైకుంఠ ద్వార దర్శనానికి సంబంధించి కూడా ఉత్తర ద్వారం నుంచి దర్శించుకోవడానికి ముందుగానే టిక్కెట్ చేసుకున్న భక్తులు తిరుమలకు చేరుకున్నారు. దీంతో తిరుమలలో భక్తుల రద్దీ అంతంత మాత్రంగానే ఉంది. రేపు సంక్రాంతి కావడంతో పెద్దగా భక్తులు రాలేదని తిరుమల తిరుపతి దేవస్థానం అధికారులు చెబుతున్నారు. అందరూ స్వగ్రామానికి చేరుకురని సంక్రాంతి పండగకు వెళ్లడంతో తిరుమలకు భక్తుల తాకిడి తగ్గిందనే చెప్పాలి.