Tirumala : తిరుమలలో భక్తుల రద్దీ నేడు ఎలా ఉందంటే?

అయితే ముందుగానే దర్శనం టిక్కెట్లను బుక్ చేసుకున్న వారు మాత్రం తిరుమలకు వచ్చారని, అలాగే చుట్టుపక్కల జిల్లాల ప్రజలు ఎక్కువ శాతం ఈ వారాల్లోనే తిరుమలకు వచ్చి స్వామివారికి మొక్కులు చెల్లించుకుంటారని తిరుమల తిరుపతి దేవస్థానం అధికారులు తెలిపారు. ఈరోజు తిరుమలలోని వైకుంఠం క్యూ కాంప్లెక్స్ లోని మూడు కంపార్ట్ మెంట్లలోనే భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పన్నెండు గంటల సమయం పడుతుందని అధికారుల తెలిపారు. టైమ్ స్లాట్ దర్శనం భక్తులకు రెండు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కట్లు తీసుకున్న భక్తులకు శ్రీవారి దర్శనం రెండు నుంచి మూడు గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 67,124 మంది భక్తులు దర్శించుకున్నారు. వీరిలో 24,069 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.77 కోట్ల రూపాయలు వచ్చిందని అధికారులు తెలిపారు. రేపు కూడా రద్దీ ఇలాగే కొనసాగే అవకాశముందన్న అంచనాలు వినిపిస్తున్నాయి.