పార్టీలో ఉండాలా? వద్దా? బుద్దా వెంకన్న

చంద్రబాబు ఇంటి పైకి వెళ్లిన వ్యక్తి జోగి రమేష్ నీచంగా దూషణలు చేసి... చంద్రబాబు కు బాధ కలిగించిన వ్యక్తి జోగి రమేష్ అనిటిడిపి నేత బుద్ధా వెంకన్న అన్నారు. అటువంటి నాయకుడితో టిడిపి మంత్రి, నేతలు కలిసి ర్యాలీ చేయడం బాధ కలిగించిందన్నారు. జోగి రమేష్ తో వేదిక పంచుకున్న ఘటన తో చంద్రబాబు గుండెలు మీద తన్నిన విధంగా ఉందన్నారు. తమ నాయకులను తాను ఏమీ అనలేనని, .. కానీ అలా జరగకుండా చూసుకోవాల్సిందని అన్నారు. జోగి రమేష్ ను తాము అడ్డుకుని ఉండకపోతే ఆరోజు చంద్రబాబు ఇంటి గేటును తాకేవాడన్నారు.తాము అడ్డుకున్న సమయంలో పోలీసులు తమపై దాడి చేశారన్నబుద్దా వెంకన్న 23 స్థానాల నుంచి మళ్లీ ఈ విజయం అందుకున్నాం అంటే ఒకేఒక్క నేత చంద్రబాబు వల్లే సాధ్యం అయ్యిందన్నారు.తామంతా ఆయన అడుగు జాడల్లో నడిచి పని చేశామని, చంద్రబాబు పై అభిమానం తో తాము పోరాటాలు చేశామని చెప్పారు. జోగి రమేష్ వంటి వ్యక్తులను టిడిపి లో అస్సలు చేర్చుకోకూడదని బుద్దా వెంకన్న అన్నారు.