Chandrababu : చంద్రబాబుకు ఎంత కష్టం.. కుదురుకునేలాగా ఈ నష‌్టం నుంచి బయటపడేదెలా?

ఆంధ్రప్రదేశ్ లో కూటమి ప్రభుత్వం ఏర్పడి మూడు నెలలు కావస్తుంది. ఇంకా కుదురు కోలేదు. పాలనలో సంస్కరణలను తేవడానికి చంద్రబాబు అన్ని సమీక్షలను చేస్తున్నారు. ఒకవైపు రాష్ట్ర ఆర్థిక పరిస్థితి ఏమాత్రం బాగా లేదు. పది లక్షల కోట్ల రూపాయల అప్పులున్నాయి. మరో వైపు సంక్షేమ పథకాలు అమలు చేయాల్సి ఉంది. ఇక నెలవారీ పింఛన్లు, ఉద్యోగుల జీతభత్యాలను, పదవీ విరమణ చేసిన ఉద్యోగుల పింఛన్లను ప్రతి నెల ఒకటోతేదీనే పంపిణీ చేస్తున్నారు. కేంద్ర ప్రభుత్వం నుంచి నిధులు తెచ్చేందుకు చంద్రబాబు మూడు సార్లు ఢిల్లీకి వెళ్లి వచ్చారు. కొంత సక్సెస్ అయ్యారు. మరోవైపు అమరావతి, పోలవరం నిర్మాణ పనులు కూడా పూర్తి చేయాలన్న సంకల్పంతో ఉన్నారు.