Tirumala : తిరుమలలో కోటి రూపాయల టిక్కెట్ చెల్లిస్తే స్వామి వారిని తనివి తీరా?

ఎందుకంటే కోటి రూపాయలు ఒక టిక్కెట్ కొనుగోలు చేయాలంటే కొందరికే సాధ్యమవుతుంది. అందిరికీ ఆర్థిక పరిస్థితి సపోదు. అయితే ఈ సేవా టిక్కెట్ ను గనుక మనం కొనుగోలు చేస్తే చాలు జీవితాంతం శ్రీవారి సేవల్లో పాల్గొనే అవకాశముంటుంది. ఈ టిక్కెట్ ను కొనుగోలు చేసిన వారు ఉదయం సుప్రభాత సేవ నుంచి సాయంత్రం సహస్ర దీపాలంకరణ సేవ వరకూ పూజలను దగ్గరుండి చూడవచ్చు. శ్రీవారికి జరిగే అన్ని కైంకర్యాలను కూడా వీక్షించే సౌకర్యం ఉంది.

ఈ కోటి రూపాయల సేవా టిక్కెట్ ను 1980లో ప్రవేశపెట్టినా పోటీ పెరగడంతో కొన్నాళ్లపాటు నిలిపివేశారు. తిరిగి 2021లో ఈ కోటి రూపాయల టిక్కెట్ ను తిరుమల తిరుపతి దేవస్థానం అందుబాటులోకి తెచ్చింది. వారంలో ఆరు రోజులకు కోటి రూపాయలు కాగా, శుక్రవారం మాత్రం కోటిన్నర అవుతుంది. ప్రస్తుతం ఈ సేవా టిక్కెట్లు 347 అందుబాటులో ఉన్నట్లు టీటీడీ తెలిపింది. శుక్రవారానికి సంబంధించి అన్ని టిక్కెట్లు ముందుగానే భక్తులు బుక్ చేసుకున్నారు. ఏడాదిలో నచ్చిన రోజున టిక్కెట్ ను బుక్ చేసుకుని స్వామి వారిని తనివి తీరా దర్శించుకునే వీలుంది.