Andhra Praesh : ఏపీ రాజ్యసభ సభ్యులు ఆ ముగ్గురేనా? డిసైడ్ అయినట్లేనా?

ఆంధ్ర్రప్రదేశ్ లో రాజ్యసభ ఎన్నికలకు నోటిఫికేషన్ వెలువడింది. మూడు రాజ్యసభ పదవులకు ఎన్నిక జరగనుంది. అయితే ఈ మూడు పోస్టులను కూటమి పార్టీలే కైవసం చేసుకోనున్నాయి. శాసననసభలో వైసీపీకి కేవలం పదకొండు మంది సభ్యులే బలం ఉండటంతో ఈ మూడు పోస్టులు కూటమి పార్టీలకే సొంతం కానున్నాయి. నోటిఫికేషన్ విడుదల కావడంతో ఈ పోస్టుల కోసం ఎవరి పేర్లు ఖరారు చేస్తారన్న ఉత్కంఠ నెలకొంది. ముఖ్యమంత్రి చంద్రబాబు నాయుడు ఇప్పటికే రాజ్యసభ పోస్టులపై కసరత్తులు జరిపారు. రాజ్యసభలో తమకు ఇప్పటి వరకూ ఎలాంటి ప్రాతినిధ్యం లేకపోవడంతో ఇందులో రెండు పోస్టులను టీడీపీ తీసుకునే అవకాశముంది. మరో పోస్టును జనసేనకు కేటాయించే అవకాశాలున్నాయి.