Pawan Kalyan : పవన్ మదనపడుతున్నారా? అసంతృప్తితో సతమతమవుతున్నారా?

అధికారంలోకి రాకముందు రాజకీయంగా యాక్టివ్ గా ఉన్న పవన్ కల్యాణ్ ఉప ముఖ్యమంత్రి అయిన తర్వాత కొంత స్లో అయినట్లే కనిపిస్తుంది. పాలనపై దృష్టి పెట్టడంతోనే రాజకీయాలకు, విమర్శలకు దూరంగా ఉంటున్నారని పార్టీ నేతలు చెబుతున్నప్పటికీ ఆయనలో తెలియని అసంతృప్తి ఏదో ఉందని పవన్ కల్యాణ్ ను దగ్గరగా గమనిస్తున్న వారు చెబుతున్నారు. తాము ప్రజలకు ఏం చెప్పి అధికారంలోకి వచ్చామో అది నెరవేర్చలేకపోతున్నామన్న బాధ ఆయనలో కనిపిస్తుందంటున్నారు. గత ప్రభుత్వంపై నెపం నెట్టినా ప్రజలు పట్టించుకోరు. జగన్ చేసిన అప్పుల వల్లనే తాము సంక్షేమ పథకాలను అమలు చేయలేకపోతున్నామని చెప్పినా రాజధాని అమరావతికి నిధులు ఎక్కడి నుంచి వచ్చాయని జనం ప్రశ్నించే అవకాశముందని ఆయన మౌనంగానే ఉంటున్నట్లు తెలిసింది.