మహిళల రక్షణలో వైసిపి వైఫల్యం : రేపు ఏపీ వ్యాప్తంగా బీజేపీ ఆందోళనలు

అమరావతి : ఆంధ్రప్రదేశ్ లో మహిళలకు రక్షణ కరువైందని, మహిళలను కాపాడటంలో వైసీపీ ప్రభుత్వం, పోలీసు శాఖ విఫలమైందని బీజేపీ మహిళా మోర్చా రాష్ట్ర అధ్యక్షురాలు బొల్లిన నిర్మలా కిషోర్ ఆరోపించారు. రాష్ట్రంలో ఇటీవల కాలంలో మహిళలు, యువతులు, ముక్కుపచ్చలారని చిన్నారులపై జరుగుతున్న అత్యాచారాలు, అఘాయిత్యాలు ప్రభుత్వం విఫలమైందనడానికి అద్దం పడుతున్నాయన్నారు. మహిళలను రక్షించడంలో వైసీపీ వైఫల్యాలను ఎండగడుతూ.. రేపు రాష్ట్ర వ్యాప్తంగా ఆందోళనలు చేయాలని నిర్మలా కిషోర్ పిలుపునిచ్చారు.