ఏపీ విద్యార్థులకు వేసవి సెలవులు ఎప్పుడు ?

తెలంగాణలో 1 నుంచి 9వ తరగతుల విద్యార్థులకు మార్చి రెండోవారం నుంచి ఒంటిపూట బడులు, ఏప్రిల్ 25 నుంచి వేసవి సెలవులను ప్రకటించింది ప్రభుత్వం. కానీ.. ఏపీలో ఇంతవరకూ స్కూల్ విద్యార్థుల వేసవి సెలవులపై క్లారిటీ రాలేదు. 2022-23 విద్యా సంవత్సరానికి సంబంధించిన అకెడమిక్ క్యాలెండర్ ప్రకారం.. 1 నుంచి 9 తరగతులకు సమ్మెటివ్ 2 పరీక్షలు ఏప్రిల్ 27తో ముగియనున్నాయి. ఆ తర్వాతి రెండ్రోజుల్లో పరీక్షల ఫలితాలు, పేరెంట్స్ మీటింగ్ లు నిర్వహించనున్నారు. ఈ ప్రకారం చూస్తే.. ఏప్రిల్ 30 నుంచి స్కూల్స్‌కు సెలవులు ఇచ్చే అవకాశం ఉందని విద్యాశాఖ అధికారుల ద్వారా అనధికారిక సమాచారం.