Breaking : లోకేష్ కు హైకోర్టులో ఎదురుదెబ్బ
హైకోర్టులో టీడీపీ జాతీయ ప్రధాన కార్యదర్శి నారా లోకేష్ కు ఎదురుదెబ్బ తగిలింది. ముందస్తు బెయిల్ పిటీషన్ కొట్టివేసింది
హైకోర్టులో తెలుగుదేశం పార్టీ జాతీయ ప్రధాన కార్యదర్శి నారా లోకేష్ కు ఎదురుదెబ్బ తగిలింది. ముందస్తు బెయిల్ పిటీషన్ కొట్టివేసింది. ఇన్నర్ రింగ్ రోడ్డు కేసులో విచారణకు సహకరించాలని ఆదేశించింది. అయితే లోకేష్ కు 41 ఎ నోటీసులు ఇవ్వాలని సీఐడీ అధికారులను ఆదేశించింది. తాము 41 ఎ నోటీసులు ఇస్తామని సీఐడీ తరుపున న్యాయవాదులు న్యాయస్థానానికి తెలిపారు.
ఇన్నర్ రింగ్ రోడ్డు కేసులో...
ఇన్నర్ రింగ్ రోడ్డు కేసులో నారా లోకేష్ ను ఎ 14 నిందితుడిగా చేర్చింది. దీంతో ఆయనను అరెస్ట్ చేస్తారన్న ప్రచారం జరిగింది. ప్రస్తుతం ఢిల్లీలో ఉన్న లోకేష్ తన యువగళం పాదయాత్రను కూడా వాయిదా వేసుకున్నారు. హైకోర్టులో ముందస్తు బెయిల్ పిటీషన్ వేశారు. అయితే విచారించిన హైకోర్టు ఈ పిటీషన్ కొట్టివేసింది. దీంతో కాసేపట్లో లోకేష్ కు 41 ఎ కింద నోటీసులు ఇవ్వడానికి సీఐడీ అధికారులు రెడీ అయ్యారు. ఒక బృందం ఢిల్లీకి వెళ్లింది. ఆయన విచారణకు హాజరు కావాల్సి ఉంది.