అసెంబ్లీలో టీడీపీ ఆందోళన.. సభ వాయిదా

ఆంధ్రప్రదేశ్ అసెంబ్లీలో కొద్దిసేపు గందరగోళం చెలరేగింది. సభ ప్రారంభం కాగానే జంగారెడ్డిగూడెం మరణాలపై టీడీపీ వాయిదా తీర్మానం ఇచ్చింది. స్పీకర్ తమ్మినేని సీతారాం వాయిదా తీర్మానాన్ని తిరస్కరించారు. దీంతో సభలో టీడీపీ సభ్యులు ఆందోళనకు దిగారు. వాయిదా తీర్మానంపై చర్చించాల్సిందేనని సభ్యులు పట్టుబట్టారు. దీనిపై స్పీకర్ ఆగ్రహం వ్యక్తం చేశారు. అయినా టీడీపీ సభ్యులు ఆందోళన విరమించకపోవడంతో సభను స్పీకర్ ఐదు నిమిషాల పాటు వాయిదా వేశారు.