Tiruamala : తిరుమల లడ్డూ వివాదంపై విచారణ ఎప్పుడు? ఇంకా ప్రారంభం కాలేదే?

అయితే ఇంత వరకూ తిరుమల లడ్డూ వివాదంపై ప్రత్యేక ద్యర్యాప్తు సంస్థ విచారణను ప్రారంభించలేదు. బ్రహ్మోత్సవాలు ఉండటంతో అవి ముగిసిన తర్వాత విచారణ జరుపుతారని భావించారు. బ్రహ్మోత్సవాలు ముగిసి వారంరోజులు గడుస్తున్నప్పటికీ విచారణ స్టార్ట్ చేయకపోవడంపై ఏపీ వ్యాప్తంగా చర్చ జరుగుతుంది. తిరుమల లడ్డూ వివాదం ఏరకమైన మలుపు తిరుగుతుందోనన్న ఉత్కంఠ ఇటు రాజకీయ వర్గాల్లోనూ, ఇటు ప్రజల్లోనూ నెలకొంది. కానీ విచారణకు సుప్రీంకోర్టు నిర్దేశిత సమయాన్ని కేటాయించకపోవడం, నివేదికను తమకే ఇవ్వాలని ఆదేశించడంతో విచారణలో జాప్యం జరుగుతుందని భావిస్తున్నారు. భారీ వర్షాలు, తుపాను హెచ్చరికలతో విచారణ మరికొంత కాలం వాయిదా పడే అవకాశాలున్నాయి.

సుప్రీంకోర్టు ఏర్పాటు చేసిన ప్రత్యేక దర్యాప్తు బృందం రాష్ట్ర ప్రభుత్వం ఏర్పాటుచేసిన సిట్ నుంచి వివరాలను ముందుగా సేకరించాల్సి ఉంది. ఆ తర్వాత తిరుమలలో పర్యటించాల్సి ఉంటుంది. తిరుమలలో ఉన్నతాధికారుల నుంచి పోటులో పనిచేస్తున్న సిబ్బందిని కూడా విచారించాల్సి ఉంది. సీబీఐ నుంచి నియమితులైన అధికారి నేతృత్వంలోనే ఈ విచారణ సాగనుంది. అలాంటి సమయంలో ఇంకా విచారణ ప్రారంభం కాకపోవడం, ఎప్పుడు నివేదిక ఇస్తారో తెలియకపోవడం వంటి అంశాలతో ఏపీలో హాట్ టాపిక్ గా మారింది. స్వతంత్ర దర్యాప్తు చేయాల్సిన ఉద్దేశ్యంతో ధర్మాసనం ఈ ప్రత్యేక బృందాన్ని ఏర్పాటు చేసినప్పటికీ అసలు కల్తీ జరిగిందా? కల్తీ నెయ్యిని లడ్డూ తయారీలో వినియోగించారా? అన్నది తేల్చడం వల్లనే భక్తుల మనోభావాలు ఆధారపడి ఉంటాయని నమ్ముతున్నారు. మరి విచారణ ఎప్పుడు ప్రారంభమవుతుందన్నది ఎవరు చెప్పాలి?