Gold Prices : పెళ్లిళ్లు మొదలయ్యాయి కదా... ఇక పరుగును ఆపలేమేమో

పెరుగుతున్న బంగారం ధరలు చూసి నోరెళ్ల పెట్టే వారు చాలా మంది ఉన్నారు. కానీ అవసరాలు, సందర్భాలను బట్టి కొనుగోలు చేయకతప్పడం లేదు. వివాహాది శుభకార్యాలయాల్లో బంగారానికి ఎక్కువ డిమాండ్ ఉంటుంది. దీంతో పాటు జ్యుయలరీ దుకాణాలు కూడా ఎప్పటికప్పుడు కొత్త డిజైన్లతో ముందుకు వస్తుండటంతో వాటిని సొంతం చేసుకునేందుకు అనేక మంది ప్రయత్నిస్తుంటారు. అందుకోసమే సీజన్ తో సంబంధం లేకుండా బంగారం కొనుగోలు చేయడం ఇటీవల కాలంలో మామూలు అయిపోయింది.

తాజాగా బంగారం ధరలు భారీగా పెరిగాయి. వినియోగదారులకు షాకిచ్చాయి. పది గ్రాముల బంగారం ధరపై నాలుగు వందల రూపాయలు పెరిగింది. వెండి ధర కూడా దాని సరసన చేరింది. కిలో వెండి ధర పై కూడా నాలుగు వందల రూపాయలు పెరిగింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 56,850 రూపాయలకు చేరుకుంది. 24 క్యారెట్ల పది గ్రాముల బంగారం ధర 62,020 రూపాయలుగా ఉంది. కిలో వెండి ధర 79,400 వద్ద ట్రెండ్ అవుతుందని మార్కెట్ వర్గాలు చెప్పాయి.