Gold Price Today : లక్షదాటడానికి బంగారానికి ఇంకా ఎన్నో రోజులు పట్టేట్లు లేదుగా

ఇక పెళ్లిళ్ల సీజన్ నడుస్తుంది. వచ్చే నెలలో మంచి ముహూర్తాలు ఉండటంతో పెళ్లిళ్లకు పెద్దయెత్తున బంగారం, వెండి వస్తువులను కొనుగోలు చేయాల్సిన పరిస్థితుల్లోనూ జ్యుయలరీ దుకాణాలు వెలవెల పోతున్నాయంటే పరిస్థితిని అర్థం చేసుకోవచ్చు. ఇప్పటికే తులం బంగారం 90 వేలు దాటేసింది. కిలో వెండి లక్ష పది వేల రూపాయలు దాటింది. విదేశాల నుంచి పెద్దయెత్తున బంగారాన్ని దిగుమతి చేసుకునే దేశాల్లో భారత్ ఒకటి. అలాంటిది విదేశాల నుంచి దిగుమతులు నిలిచిపోయాయి. దీంతో ఎన్ని ఆఫర్లు పెట్టినా, ఎన్ని రాయితీలు ప్రకటించినా ధరలను చూసి బెంబెలెత్తిపోయిన జనం బంగారం వైపు చూడటానికే భయపడిపోతున్నారు.

బంగారం అంటే ఒకప్పుడు భారంగా ఉండేది కాదు. ధరలు అందరికీ అందుబాటులో ఉండేవి. ప్రజల కొనుగోలు శక్తి తక్కువగా ఉన్నప్పటికీ బంగారం కొనుగోళ్లపై దాని ప్రభావం పడేది కాదు. కానీ నేడు కొనుగోలు శక్తి పెరిగినా బంగారంపై అంత డబ్బు వెచ్చించడం అనవసరమన్న భావన పెరిగిపోయింది. ఈరోజు దేశంలో బంగారం ధరలు భారీగా పెరిగాయి. వెండి ధరల్లో కూడా భారీ పెరుగుదల కనిపించింది. పది గ్రాముల బంగారం ధరపై పదకొండు వందల రూపాయలు పెరిగింది. కిలో వెండి ధరపై మూడు వేల రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 83,410 రూపాయలకు చేరింది. 24 క్యారెట్ల పది గ్రాముల బంగారం ధర 90,990 రూపాయలుగా నమోదయింది. కిలో వెండి ధర 1,14, 100 రూపాయలుగా నమోదయింది. మధ్యాహ్నానికి ధరల్లో మార్పులుండవచ్చు.