ఆన్‌లైన్‌లో డ్రైవింగ్ లైసెన్స్ కోసం దరఖాస్తు చేసుకోవడం ఎలా?
వాహనాలు నడపాలంటే ముందుగా డ్రైవింగ్ లైసెన్స్ తప్పనిసరి. అయితే మన దేశంలో డ్రైవింగ్ లైసెన్స్ కావాలంటే ఆర్టీవో..
వాహనాలు నడపాలంటే ముందుగా డ్రైవింగ్ లైసెన్స్ తప్పనిసరి. అయితే మన దేశంలో డ్రైవింగ్ లైసెన్స్ కావాలంటే ఆర్టీవో కార్యాలయానికి వెళ్లి దరఖాస్తు చేసుకోవాలంటే ఎంతో ప్రాసెస్‌ ఉండేది. కానీ రోజులు మారిపోయాయి. టెక్నాలజీ పెరిగిపోయింది. సులభమైన మార్గాలు అందుబాటులోకి వస్తున్నాయి. అయితే డ్రైవింగ్ లైసెన్స్ పొందాలంటే ప్రభుత్వ నిబంధనలు పాటించాల్సిందే. తరువాత లైసెన్స్ పొందవచ్చు. లైసెన్స్ కోసం కార్యాలయానికి వెళ్లకుండా మీరు ఇంట్లోనే ఉండి ఆన్లైన్ ద్వారా అప్లై చేసుకోవచ్చు భారతదేశంలో డ్రైవింగ్ లైసెన్స్ పొందడానికి, మీరు ముందుగా లెర్నింగ్ డ్రైవింగ్ లైసెన్స్ పొందాల్సి ఉంటుంది. ఇది ప్రభుత్వ వాహన లైసెన్సింగ్ నిబంధనలు. ఈ లెర్నింగ్‌కు కొంత గడువు ఉంటుంది. నెల తర్వాత ఆర్టీసీ కార్యాలయానికి టెస్ట్‌కు హాజరు కావాల్సి ఉంటుంది. అప్పుడు మీరు డ్రైవింగ్ లైసెన్స్ పొందవచ్చు.
మీరు మీ సౌలభ్యం మేరకు ఆన్‌లైన్‌లో లైసెన్స్ కోసం దరఖాస్తు చేసుకోవచ్చు. మీ ఇంటి నుంచి ఆన్‌లైన్‌లో డ్రైవింగ్ లైసెన్స్ నేర్చుకోవడం కోసం ఎలా దరఖాస్తు చేసుకోవాలో తెలుసుకోండి. మీరు లైసెన్స్ కోసం ఆన్‌లైన్‌లో దరఖాస్తు చేసినప్పటికీ, మీ లైసెన్స్ పొందడానికి మీరు సమీపంలోని RTO కార్యాలయానికి వెళ్లవలసి ఉంటుంది. అలాగే, కనీసం 18 ఏళ్లు నిండి ఉండాలి. అలాగూ ట్రాఫిక్ నిబంధనల గురించి తప్పకుండా తెలిసి ఉండాలి. మీరు మీ వయస్సు, ఇతర అవసరమైన పత్రాలను కలిగి ఉండాలి.
➦ మీ మొబైల్ లేదా కంప్యూటర్‌లో అధికారిక ప్రభుత్వ వెబ్‌సైట్ https://parivahan.gov.in/parivahan/కి వెళ్లండి. ఆన్లైన్ సర్వీసెస్ ఆప్షన్‌లోకి వెళ్లి డ్రైవింగ్ లైసెన్స్ సంబంధిత సేవలపై క్లిక్ చేయండి.
➦ అప్పుడు మీరు నివసిస్తున్న రాష్ట్రాన్ని ఎంచుకోండి. 'లెర్నర్స్ లైసెన్స్ అప్లికేషన్' ఎంపికను ఎంచుకోవాలి. ఇక్కడ జాబితా చేయబడిన మార్గదర్శకాలను జాగ్రత్తగా చదవండి. మీ వ్యక్తిగత వివరాలను నమోదు చేయండి.
➦ ఆ తర్వాత మీ మొబైల్ నంబర్, ఆధార్ నంబర్‌ను నమోదు చేయండి. లెర్నింగ్ లైసెన్స్ దరఖాస్తు ఫారమ్‌ను పూరించండి. అవసరమైన పత్రాలను అప్‌లోడ్ చేయండి. చివరగా పరీక్ష తేదీని ఎంచుకుని, చెల్లింపు చేయండి.
➦ ఆ తేదీన మీరు సమీపంలోని ఆర్టీఏ కార్యాలయానికి హాజరు కావాల్సి ఉంటుంది.