ఎంఆర్ఓ కార్యాలయంలో వీఆర్ఏ దారుణ హత్య

మంచిర్యాల : తహశీల్దార్ కార్యాలయంలో వీఆర్ఏ దారుణ హత్యకు గురైన ఘటన మంచిర్యాల జిల్లా కన్నెపల్లిలో జరిగింది. ఈ ఘటన స్థానికంగా కలకలం రేపింది. మృతుడు దుర్గంబాబు (50) కొత్తపల్లి వీఆర్ఏగా విధులు నిర్వర్తిస్తున్నాడు. వివరాల్లోకి వెళ్తే.. కన్నెపల్లి తహశీల్దార్ కార్యాలయంలో విధులు నిర్వర్తిస్తున్న దుర్గంబాబును గుర్తు తెలియని దుండగులు కత్తితో గొంతుకోసి పరారయ్యారు. అటుగా వెళ్తున్న స్థానికులు.. రక్తపు మడుగులో పడిఉన్న దుర్గంబాబును చూసి.. పోలీసులకు సమాచారమిచ్చారు. అప్పటికే దుర్గంబాబు మరణించాడు. పోలీసులు ఘటనా ప్రాతంలో ప్రాథమిక ఆధారాలు సేకరించి, మృతదేహాన్ని స్వాధీనం చేసుకున్నారు.