ఘోర రోడ్డు ప్రమాదం.. ముగ్గురు మృతి

తెలంగాణ రాష్ట్రం ఖమ్మం జిల్లాలోనూ ఘోర ప్రమాదాలు జరిగాయి. రెండు వేర్వేరు ప్రాంతాల్లో జరిగిన ఈ ప్రమాదాల్లో మొత్తం ఆరుగురు మృతి చెందారు. ఖమ్మం జిల్లా కొణిజర్లలో ఓ ప్రమాదం జరిగింది. కొణిజర్ల దగ్గర లారీని కారు ఢీకొట్టింది. ఈ ప్రమాదంలో ముగ్గురు అక్కడికక్కడే మృతి చెందగా, మరొకరి పరిస్థితి విషమంగా ఉంది. మృతులు పారుపల్లి రాజేష్, సుజాత దంపతులు, వారి కుమారుడు అశ్విత్ 13 గా గుర్తించారు. మరో ఘటనలో.. పెనుబల్లి వీఎం బంజర సమీపంలో రెండు లారీలు ఒకదానికొకటి ఢీ కొట్టుకున్నాయి. ఎదురుగా వస్తున్న లారీని మరో లారీ ఢీ కొట్టింది. దీంతో రెండు లారీల క్యాబిన్లు నుజ్జునుజ్జయ్యాయి. వాటిలో రెండు లారీల డ్రైవర్లిద్దరూ ఇరుక్కుపోయారు. వారిని బయటకు తీసిన కొద్దిసేపటికే మరణించారు. భద్రాద్రి కొత్త గూడెం జిల్లాలో మరో ప్రమాదంలో ఆటోలో వెళ్తున్న సోయం శ్రీహరి (50) మరణించారు. పలువురికి గాయాలయ్యాయి.