Diwali : యాభై ఏళ్ల నాటి దీపావళి.. నాటి సంగతులు గుర్తుకొస్తున్నాయి

దీపావళి అంటేనే అందరికీ ఒక హుషారిచ్చే పండగ. అందుకే దీపావళి వచ్చిందంటే చిన్న పిల్లల నుంచి వృద్ధుల వరకూ సంబరంగా జరుపుకుంటారు. బాణాసంచాలు, మిఠాయిలు ఈ పండగ ప్రత్యేకం. అందుకే అందరికీ ఇష్టమైన పండగ దీపావళి అని చెప్పాలి. చిన్న నాటి నుంచి దీపావళి ఎప్పుడు వస్తుందా? అని ఆశగా ఎదురు చూసే వారు అందరూ. బాల్యంలో అయితే దీపావళి పండగకు బాణాసంచాను మనమే తయారు చేసుకునేవాళ్లం. గ్రామాల నుంచి పట్టణాల వరకూ నాడు దీపావళి మందుగుండు సామగ్రిని సొంతంగా తయారు చేసుకునేవారు. అందుకోసం వాటిలో వినియోగించే మందును, కాగితం తో చేసిన మతాబులను, బయట కమ్మరిలు తయారు చేసిన చిచ్చుబుడ్లను కొనుగోలు చేసేవారం.