ఆస్ట్రేలియా లో పిల్లలకి సోషల్ మీడియా బ్యాన్... మరి భారత్ లో?

బిబిసిలోని ఒక నివేదిక ప్రకారం, ప్రతిపాదిత చట్టాలను పార్లమెంటులో ప్రవేశపెడతామని ప్రధాని చెప్పారు. ఈ చట్టాల లక్ష్యం ఆస్ట్రేలియన్ పిల్లలకు సోషల్ మీడియా కలిగించే హాని ని తగ్గించడమే.“ఇది అమ్మలు, నాన్నల కోసం. నాలాంటి వారు కూడా ఆన్‌లైన్‌లో మా పిల్లల భద్రత గురించి అనారోగ్యంతో బాధపడుతున్నారు. ప్రభుత్వం మీకు వెన్నుదన్నుగా ఉందని ఆస్ట్రేలియన్ కుటుంబాలు తెలుసుకోవాలని నేను కోరుకుంటున్నాను.' అని ఆయన అన్నారు. అనేక వివరాలు ఇంకా చర్చకు రావలసి ఉండగా, ఇప్పటికే సోషల్ మీడియాలో ఉన్న యువకులకు నిషేధం వర్తిస్తుందని ప్రభుత్వం తెలిపింది.

రాయిటర్స్‌లో ప్రచురించిన నివేదిక ప్రకారం, చట్టసభ సభ్యులు ఆమోదించిన 12 నెలల తర్వాత చట్టాలు అమల్లోకి వస్తాయని ఈ ఏడాది ఆస్ట్రేలియన్ పార్లమెంట్‌లో చట్టం ప్రవేశపెట్టబడుతుందని అల్బనీస్ చెప్పారు. ప్రతిపక్ష లిబరల్ పార్టీ నిషేధానికి మద్దతు తెలిపింది.

ఈ చట్టం వల్ల ప్రభవితం అయ్యే ప్లాట్‌ఫారమ్‌లలో మెటా ప్లాట్‌ఫారమ్‌లు అయిన ఇన్‌స్టాగ్రామ్, ఫేస్‌బుక్, అలాగే బైట్‌డాన్స్ వారి టిక్‌టాక్, ఎలోన్ మస్క్ కి సంబంధించిన X. ఆల్ఫాబెట్ వారి యూట్యూబ్ కూడా చట్టం పరిధిలోకి వచ్చే అవకాశం ఉందని ఆస్ట్రేలియన్ మంత్రి తెలిపారు.

ఆస్ట్రేలియా లో ఈ బ్యాన్ తో భారతదేశంలో కూడా తల్లిదండ్రులు ఆలోచనలో పడ్డారు. ఇటీవల జరిగిన సర్వేలో మన దేశం లో ని తల్లిదండ్రులు కూడా ప్రభుత్వ జోక్యాన్ని కోరుతున్నారు. 18 ఏళ్లలోపు పిల్లలు సోషల్ మీడియా,ఓటిటి/వీడియో, ఆన్‌లైన్ గేమింగ్ ప్లాట్‌ఫారమ్‌లలో చేరినప్పుడు వారి తల్లిదండ్రుల సమ్మతిని తప్పనిసరి చేసే డేటా రక్షణ చట్టాన్ని అమలు చేయాలని వారు ప్రభుత్వాన్ని కోరుతున్నారు.

సోషల్ మీడియా నెట్‌వర్క్‌ల నిర్బంధం వల్ల ఏమి జరుగుతుంది?

• సోషల్ మీడియా వినియోగాన్ని పరిమితం చేయడం వల్ల సైబర్ బుల్లియింగ్ అంటే బెదిరింపులు, ఆన్‌లైన్ వేధింపులు, బాడీ షేమింగ్, ఇవన్నీ గణనీయంగా తగ్గుతాయి. సామాజిక మాధ్యమాలకు అలవాటు పడి పిల్లలు టెక్స్టింగ్, షరింగ్, మెస్సగింగ్ వంటివి చేస్తూ సోషల్ మీడియాపై ఎక్కువగా ఆధారపడతారు. స్నేహితులతో కూడా నిజ జీవితంలో కాకుండా సోషల్ మీడియా లో కమ్యూనికేట్ చేస్తున్నారు.

• సోషల్ మీడియా ను నిరోధించడం వల్ల పిల్లలు ఎక్కువ సమయం ఆరుబయట గడపడానికి, అభిరుచులు ఆరోగ్యకరమైన జీవనశైలి పెంపొందిచుకునేలా ప్రోత్సహిస్తుంది. సోషల్ మీడియా యాప్‌లను ఎక్కువగా ఉపయోగించడం వల్ల పిల్లలు ఎక్కువసేపు కూర్చునే అవకాశం లేకుండా పోతుంది.

కానీ ఇప్పటికే సోషల్ మీడియా అలవాటు ఉన్న పిల్లలపై నిషేధం పని చేయగలదా?

యుక్తవయస్సులో ఉన్నవారు సాధారణంగా ఇలాంటి నిషేధాలను ప్రతిఘటిస్తారు. ఈ ప్రతిఘటన తల్లిదండ్రులు, పిల్లల మధ్య విభేదాలకు దారి తీస్తుంది, వ్యక్తుల మధ్య ఒత్తిడి, అపనమ్మకం సృష్టించవచ్చు.

సోషల్ మీడియా వల్ల కలిగే ప్రమాదాలు కేవలం పుకార్లు కాదు. చిన్న వయస్సులో ఎక్కువ స్క్రీన్ సమయం శాశ్వత ప్రభావాలను కలిగిస్తుందని పరిశోధకులు సూచిస్తున్నారు. కాబట్టి, సోషల్ మీడియాకు చిన్న వయస్సు నుంచే వాడుతుండడం వల్ల పిల్లల మనస్సులు, మనోభావాలు ఎలా ప్రభావితం చేస్తుందనే దాని గురించి సైన్స్ ఏమి చెబుతుందో చూద్దాం.

నీలిరంగు కాంతి కేవలం పెద్దల నిద్ర మాత్రమే కాదు, ఇది పిల్లల నిద్రకు కూడా మంచిది కాదు. స్క్రీన్‌లు, ముఖ్యంగా నిద్రవేళకు ముందు, మెలటోనిన్ అనే హార్మోన్ విడుదలను ఆలస్యం చేస్తాయి, ఇది మన శరీరానికి నిద్రపోయే సమయం అయింది అని చెప్పే హార్మోన్. అమెరికన్ అకాడమీ ఆఫ్ పీడియాట్రిక్స్ ప్రకారం, నిద్రవేళ దగ్గర స్క్రీన్‌లను ఉపయోగించే పిల్లలు తరచుగా తక్కువ నిద్రపోతారు మరియు మరుసటి రోజు గజిబిజిగా ఉంటారు. నిద్ర లేకపోవడం పిల్లల అభ్యాసం, జ్ఞాపకశక్తి మరియు మానసిక స్థిరత్వాన్ని కూడా ప్రభావితం చేస్తుంది.

మానసిక ఆరోగ్యంపై సోషల్ మీడియా ప్రభావం కొంత నిప్పుతో ఆడుకోవడం లాంటిది. మితిమీరిన సోషల్ మీడియా ఆందోళన, నిరాశ, తక్కువ సెల్ఫ్ రెస్పెక్ట్ కు దారితీస్తుంది. ఇతరులు తమకంటే బాగున్నరు అనుకుంటూ, న్యూనతాభావం తో కుంగిపోతారు. 

సోషల్ మీడియాలో ఎక్కువ సమయం గడిపే పిల్లలు తక్షణ రివార్డ్‌లు లేకుండా పనులపై దృష్టి సారించడం కష్టమని భారతదేశంతో సహా పలు ప్రాంతాల నుండి పరిశోధనలు చూపిస్తున్నాయి. సోషల్ మీడియా లో లభించే లైక్‌లు, నోటిఫికేషన్‌లు లాంటివి నిజ జీవితం అందించలేదు.

సోషల్ మీడియా అంతా చెడ్డది కాదు, బాధ్యతాయుతంగా ఉపయోగించినప్పుడు, ఇది సృజనాత్మకతకు శక్తివంతమైన సాధనం. అయితే, దీనిని ఎలా వాడుకోవాలో తెలుసుకొని మెలగాలి.

మరి ఏది మంచిది?

ఉత్తమమైన పరిష్కారం ఏమిటంటే — సోషల్ మీడియా ప్రయోజనాలు, నష్టాలను పిల్లలకి వివరించండి. అలా చేస్తే పిల్లలు ఈ ప్లాట్ఫాం లను ఉపయోగించేటప్పుడు స్వీయ-క్రమశిక్షణను పెంపొందించడంలో సహాయపడుతుంది.

పిల్లలు ఏమి చూస్తున్నారు, ఎంత సేపు సోషల్ మీడియా లో గడుపుతున్నారు అనేవి గమనిస్తూ ఉండాలి. వారికి ఏది మంచి, ఏది చెడు అనేది వివరిస్తూ ఉండాలి.