ఫ్యాక్ట్ చెక్: ప్రధాని నరేంద్ర మోదీ బ్యాలెట్ పేపర్ ఓటింగ్ ను సమర్ధిస్తూ చూపుతున్న వీడియో ఎడిట్ చేసింది

“ఈవీఎంల కంటే బ్యాలెట్ పేపర్ల ద్వారా ఎన్నికలు నిర్వహించాలి. అమెరికా ప్రజలు కూడా ఈవీఎంలను కాకుండా బ్యాలెట్ పేపర్‌ను ఉపయోగిస్తున్నారు. - 2014కి ముందు నరేంద్ర మోదీ” అంటూ మరికొందరు పోస్టులు పెట్టారు.

వైరల్ అవుతున్న వాదన ప్రజలను తప్పుదారి పట్టిస్తోంది. వీడియోను ఎడిట్ చేసి, తప్పుదారి పట్టించే విధంగా పోస్టులు పెడుతున్నారు.

మేము వీడియో నుండి కీఫ్రేమ్‌లను తీసుకుని, Google రివర్స్ ఇమేజ్ సెర్చ్‌ని ఉపయోగించి వెతకగా, ఆ వీడియో 2016 సంవత్సరం నుండి ఆన్ లైన్ లో ఉందని, చాలా పాతదని మేము కనుగొన్నాము.

డిసెంబరు 3, 2016న భారతీయ జనతా పార్టీ యూట్యూబ్ ఛానెల్ లో నిడివి ఎక్కువ ఉన్న వీడియోను గుర్తించాం. పరివర్తన్ ర్యాలీలో పెద్ద సంఖ్యలో ప్రజలను ఉద్దేశించి మోదీ ప్రసంగించారు. వైరల్ భాగం 37.20 నిమిషాల వద్ద చూడవచ్చు. దేశంలో జరిగిన డిజిటలైజేషన్ ప్రయోజనాల గురించి భారత ప్రధాని మాట్లాడటం వినవచ్చు. ATM మెషీన్‌ల నుండి డబ్బు విత్‌డ్రా చేసుకునేందుకు పొడవాటి క్యూలలో ఉండే పరిస్థితి నుంచి ఇప్పుడు ఫోన్లలోనే అన్ని కొనుక్కునే సదుపాయం వచ్చింది అంటూ ఆయన చెప్పుకొచ్చారు. ప్రపంచవ్యాప్తంగా ఉన్న ప్రజలు బ్యాలెట్ పేపర్‌ను ఉపయోగించి ఓటు వేస్తారని, అక్కడ పేరు కోసం వెతకాలి, ఆపై అవసరమైన పేరుపై ముద్ర వేయాలి. భారతదేశంలో మనం బటన్‌ను నొక్కడం ద్వారా ఓటు వేస్తాం అని చెప్పారు.

Full View

నరేంద్ర మోదీ ఛానెల్ ప్రచురించిన అదే యూట్యూబ్ వీడియోను కూడా మేము కనుగొన్నాము. డిసెంబర్ 3, 2016న వీడియోను అప్లోడ్ చేశారు.
Full View

ప్రధానమంత్రి ప్రసంగంలోని ముఖ్యాంశాలు న్యూస్ వెబ్‌సైట్

NDTVలో ప్రచురించారు, ర్యాలీలో ఆయన చేసిన ప్రకటనలను మనం చూడవచ్చు. "భారతీయులు నిరక్షరాస్యులని కొందరు చెబుతూ ఉంటారని. కానీ ప్రపంచవ్యాప్తంగా, ప్రజలు పేపర్ బ్యాలెట్లను ఉపయోగిస్తారు. భారతదేశం ఒక బటన్ ద్వారా ఓటు వేస్తుంది. నా దేశం మార్పును అంగీకరిస్తుంది. నా దేశంలోని పేదలు దీనిని అంగీకరిస్తారు." అని మోదీ చెప్పినట్లుగా కథనంలో ఉంది.

వైరల్ వీడియోలో బ్యాలెట్ పేపర్ ఆధారిత ఓటింగ్ సిస్టమ్‌కు ప్రధాని మోదీ మద్దతు ఇవ్వలేదని స్పష్టంగా అర్థం అవుతోంది. కానీ దీనికి విరుద్ధంగా, ప్రపంచం మొత్తం ఇప్పటికీ బ్యాలెట్ పేపర్‌లను ఉపయోగిస్తుండగా, భారతదేశం ఈవీఎం యంత్రాలను ఉపయోగిస్తుందని ఆయన చెప్పారు. 

తప్పుదారి పట్టించే విధంగా ప్రచారం చేయడానికి అసలు వీడియోను ఎడిట్ చేశారు. వైరల్ అవుతున్న వాదన తప్పుదారి పట్టించేదిగా గుర్తించాం.