ఫ్యాక్ట్ చెక్: తెలంగాణ నాగర్‌కర్నూల్ జిల్లాలో రోడ్లపైన సింహాలు సంచరించాయంటూ జరుగుతున్న ప్రచారం నిజం కాదు.

వైరల్ అవుతున్న వాదనల్లో ఎలాంటి నిజం లేదు. ఈ వీడియో చాలా పాతది.

మేము వైరల్ వీడియో నుండి తీసుకున్న కీఫ్రేమ్‌లను సెర్చ్ చేయగా.. అదే వీడియో కొన్ని సంవత్సరాల నుండి చెలామణిలో ఉందని మేము కనుగొన్నాము..

Anil RK అనే యూట్యూబ్ ఛానల్ లో వీడియోను పోస్టు చేశారు. “चाचरिया में 4 शेर घुमते नजर आ रहे हैं कृपया सतर्क रहै” అంటూ ఏప్రిల్ 2024లో పోస్టు చేశారు. చచారియా ప్రాంతంలో సింహాలు సంచరిస్తూ ఉన్నాయన్నది ఆ టైటిల్ ద్వారా తెలియజేయాలని చూశారు.

మరో యూట్యూబ్ యూజర్ కూడా డిసెంబర్ 9, 2023న ‘Boisar ma 5 tiger ka hamla #boisar #youtube #short #Tiger’ అనే క్యాప్షన్‌తో వీడియోను షేర్ చేశారు.

మరో యూట్యూబ్ యూజర్ కూడా ఆగస్టు 2023లో వీడియోను షేర్ చేశారు.

2021 జనవరి 17న గోడి గ్రేటర్ నోయిడా అనే క్యాప్షన్‌తో ఈ వీడియోను ఫేస్‌బుక్ వినియోగదారు షేర్ చేశారు.

కాబట్టి, వైరల్ అవుతున్న వీడియో తెలంగాణలోని నాగర్‌కర్నూల్ జిల్లాలోని తూడుకుర్తి గ్రామానికి చెందినది కాదని మేము గుర్తించాం. మేము వీడియోను ఏ ప్రాంతంలో రికార్డు చేశారో ఖచ్చితమైన స్థానాన్ని గుర్తించలేకపోయినప్పటికీ.. వీడియో పాతదని, ఇటీవలిది కాదని మేము కనుగొన్నాం. వీడియో పాతది, 2021 నుండి అంతకంటే ముందే ఆన్‌లైన్‌లో ఉంది.

వైరల్ అవుతున్న వాదనలో ఎలాంటి నిజం లేదు. నాగర్‌కర్నూల్ జిల్లాలోని తూడుకుర్తి గ్రామంలో సింహాలు సంచరించలేదు.