Garlic: రోజూ వెల్లుల్లి రెబ్బలు తింటుంటే ఎలాంటి లాభాలు ఉంటాయో తెలుసా?

రోజు ఒక వెల్లుల్లి రెబ్బను తినడం అలవాటు చేసుకుంటే కొలెస్ట్రాల్ నుండి మొదలుకొని అనేక ఇతర వ్యాధుల నుండి బయటపడవచ్చు. కానీ మీరు సరైన ఆహారాన్ని తెలుసుకోవాలి. అప్పుడే మీరు ప్రయోజనం పొందుతారు. వెల్లుల్లి నిజానికి రోగనిరోధక వ్యవస్థను మెరుగుపరచడంలో సహాయపడుతుంది. ఎందుకంటే వెల్లుల్లిలో రోగనిరోధక శక్తిని పెంచే అల్లిసిన్ వంటి సమ్మేళనాలు ఉంటాయి. ఫలితంగా అనేక వ్యాధులను దూరం చేసుకోవచ్చు.

మధుమేహాన్ని నియంత్రించడంలో, బరువు తగ్గించడంలో వెల్లుల్లి ప్రభావవంతమైన పాత్ర పోషిస్తుంది. ఇందులో యాంటీ ఆక్సిడెంట్లు పుష్కలంగా ఉంటాయి కాబట్టి యూరినరీ ఇన్ఫెక్షన్స్ వచ్చే అవకాశాలను కూడా తగ్గిస్తుంది. వెల్లుల్లిలో యాంటీఆక్సిడెంట్లు పుష్కలంగా ఉంటాయి. ఇవి శరీరంలోని హానికరమైన ఫ్రీ రాడికల్స్‌ను నాశనం చేయడంలో సహాయపడతాయి. వెల్లుల్లిని క్రమం తప్పకుండా తీసుకోవడం వల్ల మొత్తం కొలెస్ట్రాల్ మరియు చెడు కొలెస్ట్రాల్ LDL 10-15 శాతం తగ్గుతుంది.

జీవక్రియను మెరుగుపరచడంలో వెల్లుల్లి రెబ్బలు మేలు చేస్తాయి. దాని అధ్యయనం ప్రకారం, గుండె సంబంధిత రోగులందరూ క్రమం తప్పకుండా వెల్లుల్లి తింటారు. కానీ చాలా మందికి సరైన పద్ధతి తెలియదు. నిజానికి, వెల్లుల్లిని దాదాపు ప్రతిరోజూ వంటలో ఉపయోగిస్తారు. అయితే ఇందులో లభించే ప్రయోజనాలు అన్నీ ఇన్నీ కావు. పూర్తి ప్రయోజనాలను పొందడానికి, వెల్లుల్లిని ఉదయం ఖాళీ కడుపుతో తినాలి. పచ్చి వెల్లుల్లి మీ ఆరోగ్యాన్ని కాపాడుతుంది. కానీ వండిన వెల్లుల్లికి ఎటువంటి గుణాలు ఉండవని కాదు. వెల్లుల్లిని కాల్చినప్పుడు లేదా వండినప్పుడు, దానిలోని ప్రధాన రసాయన పదార్ధం, అల్లిసిన్, వేడికి కొద్దిగా నాశనం అవుతుంది. కాబట్టి పచ్చి వెల్లుల్లి తినడం అలవాటు చేసుకోండి.

నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.