Hyderabad: వామ్మో.. ఆటో డ్రైవర్ల విన్యాసాలు హడలెత్తిస్తున్నాయే

ఈ వీడియో వైరల్ అవ్వడంతో చాలా మంది నెటిజన్లు దిగ్భ్రాంతిని వ్యక్తం చేశారు. ఇలాంటి స్టంట్స్ లో పాల్గొన్న వారిపై కఠిన చర్యలు తీసుకోవాలని పిలుపునిచ్చారు. నగరంలోని రోడ్లపై ఇలాంటి నిర్లక్ష్యపు ప్రవర్తనను అరికట్టేందుకు త్వరితగతిన చర్యలు తీసుకోవాలని పలువురు వినియోగదారులు సైబరాబాద్ పోలీసులకు ట్యాగ్ చేశారు. హైదరాబాద్ లోని పలు రోడ్లపై అనధికారికంగా రేసులు జరుగుతూ ఉన్నాయి. మనం సోషల్ మీడియా ఓపెన్ చేస్తే చాలు ఎంతో మంది ఇలాంటి ఓవరాక్షన్ చేస్తున్న డ్రైవర్ల వివరాలు దొరికిపోతాయని నెటిజన్లు అంటున్నారు. T-హబ్ రోడ్, నాలెడ్జ్ సిటీ లో రాయదుర్గం పోలీసులు అప్పుడప్పుడు రైడ్స్ చేస్తూ ఇలాంటి డ్రైవర్లను పట్టుకుంటూ ఉంటారు. హైదరాబాద్‌లోని పబ్లిక్ రోడ్లపై విన్యాసాలు, రేసింగ్‌లు చేస్తూ ప్రమాదాలకు గురయ్యే ప్రమాదం ఉందని పలువురు గుర్తించారు.