Rain Alert : హైదరాబాద్ లో భారీ వర్షం... పండగ మీద ఎఫెక్ట్

మరోవైపు వాతావరణ శాఖ సూచన మేరకు అతి భారీ వర్షాలు కురుస్తాయని చెప్పిన నేపథ్యంలో కొద్ది సేపటి నుంచి భారీ వర్షం కురుస్తుంది. రేపు వినాయక చవితి కావడంతో వినాయక ప్రతిమలతో పాటు పత్రి, చిరు దుకాణాలన్నీ రహదారులపైనే ఉన్నాయి. అవన్నీ భారీ వర్షం దెబ్బకు తడిసి పోయాయి. ఈరోజు, రేపు వినాయకుడి ప్రతిమలు, పత్రిని అమ్ముకునేందుకు రోడ్ల మీదనే చిరు వ్యాపారులు తమ దుకాణాలను తెరిచారు. అయితే ఈ వర్షం రాకతో వారు ఇబ్బందులు పడుతున్నారు. పండగ కోసం పూలు, ఇతర సామాగ్రిని కూడా రోడ్లపై విక్రయిస్తుండటంతో అవన్నీ తడిసి ముద్దయి తీవ్ర నష్టం వాటిల్లిందని చిరు వ్యాపారులు వాపోతున్నారు. ఉన్నట్లుండి వర్షం పడటంతో వారు సామాన్లు కూడా భద్రపర్చుకోలేకపోయారు. దీంతో తీవ్రమైన నష్టం వాటిల్లిందంటున్నారు. భారీ వర్షం కారణంగా అనేక చోట్ల విద్యుత్తు సరఫరా నిలిచిపోయింది.