భారతదేశంలో రెండు కొత్త స్మార్ట్‌ఫోన్‌లను విడుదల చేయనున్న వీవో

Vivo భారతదేశంలో రెండు కొత్త స్మార్ట్‌ఫోన్‌లను విడుదల చేయడానికి సన్నాహకాలను ప్రారంభించింది. రాబోయే హ్యాండ్‌సెట్‌లు Vivo T లైనప్‌లో భాగమని, మేలో విడుదల కావచ్చని అంటున్నారు. ఫిబ్రవరిలో, చైనీస్ టెక్ దిగ్గజం Vivo T1 5Gని భారతదేశంలో విడుదల చేసింది. ఈ హ్యాండ్‌సెట్ బేస్ వేరియంట్ కోసం లాంచ్ ధర రూ. 15,590 ఉంది. ఇప్పుడు, రెండు కొత్త Vivo స్మార్ట్‌ఫోన్‌లు Vivo T1కి కొనసాగింపుగా చెబుతున్నారు. వాటి ధర రూ. 25,000 లోపే ఉండవచ్చు అని అంటున్నారు. 91మొబైల్స్ నివేదిక ప్రకారం.. Vivo భారతదేశంలో రెండు కొత్త Vivo T సిరీస్ స్మార్ట్‌ఫోన్‌లను విడుదల చేయాలని చూస్తోంది. ఈ హ్యాండ్‌సెట్‌లు ఫాస్ట్ ఛార్జింగ్ సామర్థ్యాలతో రావచ్చు. దీని ధర రూ.25,000 లోపు ఉంటుందని అంచనా వేస్తున్నారు.