యాంకర్ రవిని ఇప్పటికీ వెంటాడే బాధ అదే

ఓ ఛానల్ కు ఇచ్చిన ఇంటర్వ్యూలో తాను ఒక వ్యక్తిని గుడ్డిగా నమ్మి రూ.45 లక్షలు మోసపోయినట్లు చెప్పాడు. ఇప్పటికీ తాను ఆ మోసం నుంచి కోలుకోలేకుండా ఉన్నానని ఎమోషనల్ అయ్యాడు. తన వద్ద చాలాకాలంగా పనిచేసిన ఓ వ్యక్తి ఉన్నట్లుండి ఒకరోజు తన వద్దకి వచ్చి అన్నా బిజినెస్‌ పెట్టాలి.. మా పరిస్థితి అంత బాగోలేదు. కాస్త డబ్బుసాయం చేయన్నా అని అడగడంతో ఒక్క హామీ పత్రం కూడా లేకుండా రూ.45 లక్షలు ఇచ్చేశాడు. డబ్బు తీసుకున్నాక ఒక్క నెలలో తిరిగి ఇచ్చేస్తానని చెప్పిన అతను ఆ మర్నాడు నుంచి ఇంతవరకూ రవికి కనిపించలేదట. నమ్మకస్తుడు, ఎలాంటి చెడు అలవాట్లు లేనివాడు కదా.. మోసం చేయడని నమ్మి డబ్బు ఇస్తే.. నిండా ముంచేశాడని యాంకర్ రవి వాపోయాడు.

తన భార్య నిత్య మాత్రం ఇంకా ఆ డబ్బు తిరిగి వస్తుందనే నమ్మకంతో పూజలు, ఉపవాసాలు చేస్తుంటుందని, తనకైతే నమ్మకం లేదని చెప్పుకొచ్చాడు రవి. పైగా అతనికి ఎలాంటి బ్యాడ్ హ్యాబిట్స్ లేకపోవడం.. రోజూ గుడికి వెళ్లడం.. గౌరవం, వినయం చూసిన రవి అతన్ని గుడ్డిగా నమ్మి ఎలాంటి పత్రం లేకుండా రూ.45 లక్షలు ఇచ్చాడు. నెల రోజుల్లో ఇచ్చేస్తానన్న అతను ఇప్పటికీ రవి మొహం చూడడం లేదు. గతంలో ఇదే విషయాన్ని పలుమార్లు చెప్పిన రవి తాజాగా మరోసారి గుర్తు చేసుకున్నాడు. చాలా పెద్ద మొత్తం కావడంతో తన భార్య ఇప్పటికీ ఉపవాసాలు, పూజలు చేస్తుందని.. ఆ డబ్బు తిరిగి రావాలని ప్రతిరోజూ దేవుడికి మొక్కుకుంటుందని చెప్పుకొచ్చాడు రవి.