సైరాకు ఈ టైములో షాకింగే

మెగాస్టార్ చిరంజీవి డ్రీం ప్రాజెక్ట్ సైరా నరసింహరెడ్డి నిన్న వరల్డ్ వైడ్ గా భారీ అంచనాలు మధ్య రిలీజ్ అయ్యి వండర్స్ క్రియేట్ చేస్తుంది. ప్రీమియర్స్ కే పాజిటివ్ టాక్ రావడంతో రిలీజ్ అయిన ప్రతీ చోటా హౌస్ ఫుల్ బోర్డ్స్ పడుతున్నాయి. ప్రస్తుతం ఈ బ్లాక్ బస్టర్ సక్సెస్ ని ఎంజాయ్ చేస్తున్న సైరా టీంకి అంతలోనే బిగ్ షాక్ తగిలింది. పైరసీ రూపంలో సైరా కి షాక్ తగిలింది. ప్రముఖ పైరసీ వెబ్సైట్ అయిన తమిళ్ రాకర్స్.. మూవీని పైరసీ చేసి ఆన్‌లైన్‌లో పెట్టారు. రిలీజ్ అయిన రోజే మాట్నీ షో కంటే ముందే సైరా ఆన్లైన్ లో కనిపించడంతో షాక్ అయ్యారు మెగా ఫ్యాన్స్.

సైరాకు పైరసీ బెడద….

పైరసీ మీద ఒక టీం ఆల్రెడీ వర్క్ చేస్తుంది. చిత్ర యూనిట్‌కు పైరసీ లింకులను షేర్ చేస్తున్నారు మెగా ఫ్యాన్స్. పైరసీ లింక్స్ ఏమన్నా కనపడితే వెంటనే వాటిని డిలీట్ చేసేస్తున్నారు టీం. ఇక పైరసీ లింకులు కనిపిస్తే syeraaantipiracy@gmail.comకి పంపించాలని సూచించింది. అసలే భారీ బడ్జెట్ సినిమా. ఎక్కడ ఏమి తేడా కొట్టినా అసలుకే మోసం వస్తుందని టీం అంతా కష్టపడుతున్నారు. పైరసీని ఎలాగైనా అరికట్టాలని చూస్తున్నా ఎవరికి కుదరడంలేదు. అంత మొత్తంలో డబ్బులు పెట్టి సినిమాలు చేస్తున్న దర్శక నిర్మాతలు, నటీ నటులు, సాంకేతిక నిపుణులు ఎంతో కష్టపడి సినిమాను తీస్తే.. రిలీజైన రోజే అప్పనంగా కాజేస్తున్నారు సైబర్ దొంగలు. ఈ పైరసీ దొంగలకు చిన్న పెద్ద సినిమాలు అనే తేడా ఏమి లేదు. ఎన్ని చట్టాలు తెచ్చినా పోలీసులు కఠిన చర్యలు తీసుకుంటున్నా లాభం లేకుండా పోతుంది.