కరోనాపై కామెడీ చేసి.. అడ్డంగా దొరికిపోయింది!!

చైనా దేశాన్ని వణికిస్తున్న కరోనా వైరస్ దెబ్బ ఇతర దేశాల మీద కూడా పడింది. ఇప్పటికే నార్త్ కొరియా లాంటి దేశాల్లో కరోనా వైరస్ బాధితుల సంఖ్య పెరుగుతుంటే.. చైనా లో కరోనా వైరస్ కి ప్రజలు పిట్టల్లా రాలిపోతున్నారు. ప్రస్తుతం చైనా లో ఆర్ధిక వ్యవస్థ కుదేలైంది. హెల్త్ ఎమెర్జెన్సీ ప్రకటించారు. మరోపక్క కరోనా వైరస్ దెబ్బ మన దేశాన్ని తాకింది. కేరళలో ఇద్దరు ముగ్గురు బాధితులంటూ హాస్పిటల్ లో జాయిన్ అయినా.. వారికీ కరోనా లేదని తేలింది. తాజాగా ఇండియా లోని తెలంగాణ స్టేట్ లో కరోనా కేసు నమోదవడం సంచలనం సృష్టించింది. దానితో తెలంగాణ ప్రభుత్వం కూడా ఎమెర్జెన్సీని ప్రకటించింది.

అయితే కరోనా వైరస్ ఇండియాలోని తెలంగాణలోకి రావడం ఓ హీరోయిన్ కి బాగా కామెడీగా కనబడుతుంది. ప్రస్తుతం పూరి జగన్నాధ్ తో కలిసి విజయ్ దేవరకొండ పాన్ ఇండియా మూవీని నిర్మిస్తూ తరచూ వార్తల్లో నిలుస్తున్న మాజీ హీరోయిన్ ఛార్మి కౌర్.. కరోనాపై కామెడీగా టిక్ టాక్ చేసి అడ్డంగా దొరికిపోయింది. ఆల్ ద బెస్ట్ గైస్ అంటూ ఎందుకో తెలుసా… కరోనా వైరస్‌ ఢిల్లీ, తెలంగాణాకి వచ్చేసిందట. ఆల్ ద బెస్ట్ గైస్ కరోనా వైరస్ అరైవ్ అంటూ చేసిన వీడియో ని సోషల్ మీడియాలో పోస్ట్ చెయ్యడంతో.. ఓ నటి అయ్యి ఇలా మట్లాడొచ్చా.. ఇదేమైనా మంచి పనా.. లేదంటే మంచి అకేషన్ కరోనా వైరస్.. కి స్వాగతం పలకడానికి అంటూ ఛార్మి పై మండిపడుతున్నారు నెటిజెన్స్. ఛార్మి ఏమనుకుంటుందో.. ముంబై లో కూర్చుని తన పని తాను చూసుకోక.. గొప్పగా కరోనా పై కామెడీ చేస్తుంది.. ఛార్మి మైండ్ దొబ్బిందా అంటూ ఆగ్రహం వ్యక్తం చేస్తున్నారు. మరి ఛార్మి కరోనాపై కామెడీ చేశా అనుకుని అడ్డంగా దొరికిపోయింది.