శ్రీదేవి కపూర్ ధఢక్ సినిమాతో బాలీవుడ్ లోకి హీరోయిన్ గా సింపుల్ ఎంట్రీ ఇచ్చేసింది. ధఢక్ సినిమా టాక్ బాగోకపోయినా... కలెక్షన్స్ బాగున్నాయి. కరణ్ జోహార్ నిర్మాణంలో తెరకెక్కిన ఈ సినిమాతో జాన్వీ వెండితెరకు సక్సెస్ ఫుల్ గా పరిచయమైంది. శ్రీదేవి లేకపోతేనేమిటి బాలీవుడ్ మొత్తం ఏకమై జాన్వీ కపూర్ కి వెన్నుదన్నుగా నిలిచింది. మరి జాన్వీ కపూర్ కి పోటీగా సైఫ్ అలీ ఖాన్ కూతురు సారా అలీ ఖాన్ వస్తుంది అనుకున్నారు అంతా. కానీ సారా స్పీడు అంతగా కనబడ్డం లేదు. సుశాంత్ రాజ్ ఫుట్ తో కలిసి నటించిన కేదారనాధ్ ఎప్పుడు విడుదలవుతుందో తెలియదు. ఇక తర్వాత రణవీర్ సింగ్ సరసన శింబలో నటిస్తుంది. అయితే జాన్వీ కపూర్ కి ఉన్న క్రేజ్ సారాకి పెద్దగా లేదనిపిస్తుంది.
అప్పుడే కవర్ పేజీపైకి ఎక్కింది...
ఇక జాన్వీ కపూర్ కి పోటీగా ఇప్పుడు మరో బాలీవుడ్ స్టార్ డాటర్ హీరోయిన్ గా ఎంట్రీ ఇవ్వబోతుంది. నిన్నమొన్నటి వరకు సినిమాల్లోకి వస్తుందో లేదో అని కన్ఫ్యూజ్ అవుతున్న ప్రేక్షకులకు అమ్మడు త్వరలోనే బాలీవుడ్ ఎంట్రీ ఇవ్వబోతుందనేది తాజా సమాచారం. కింగ్ ఖాన్ షారూక్ ఖాన్ కుమార్తె సుహానా ఖాన్ బాలీవుడ్ ఎంట్రీ ఇచ్చేందుకు ఎంతో స‌మ‌యం ప‌ట్ట‌ద‌ని తెలుస్తోంది. ఎందుకంటే సినిమాల్లోకి రాకముందే ఈ పాప ఒక మ్యాగజైన్ కవర్ పేజీ మీద ఎక్కి హడావిడి మొదలెట్టేసింది. ప్రస్తుతం వోగ్ కవర్ కవర్ పేజీ మీద సుహానా ఫోటో ని చూస్తుంటే బాలీవుడ్ దర్శకనిర్మాతలు మాత్రం ఎప్పుడెప్పుడు ఆమెకి అవకాశం ఇద్దామా అని ఎదురు చూస్తున్నారు.
జాన్వీకి సుమానానే సరైన పోటీనా..?
వోగ్ క‌వ‌ర్‌పేజీపై సుహానా ఖాన్ ఇచ్చిన ఫోజ్ చూస్తుంటే మాత్రం ప్రస్తుతం క్రేజ్ లో ఉన్న హీరోయిన్స్ కూడా బెదరాల్సిందే. అలాంటి క్యూట్, కైపెక్కించే లుక్స్ తో అదరగొడుతుంది. సుహానాని ఆ కవర్ పేజీ మీద చూస్తుంటే మాత్రం ఎన్నో చిత్రాల్లో నటించిన అనుభవం ఉన్న హీరోయిన్ లాగా కనబడుతుంది. మరి వోగ్ కవర్ పేజీ కోసం సుహానా చేసిన ఈ పిచ్చెక్కించే ఫోటో షూట్ మాత్రం సోషల్ మీడియాలో ఒక రేంజ్ లో వైరలయ్యింది. ఇక సుహానాని అలా చూసిన బాలీవుడ్ జనాలు మాత్రం జాన్వీ కపూర్ కి గట్టి పోటీ ఇచ్చేది సుహానే అంటూ చెవులు కొరుక్కుంటున్నారు. ఇక ప్రస్తుతం కవర్ పేజెస్ మీద మాత్రం కనిపిస్తున్న ఈ సుహానా అతి త్వరలోనే బాలీవుడ్ ఎంట్రీ ఇవ్వబోతుందనేది లేటెస్ట్ న్యూస్.