నేడే హన్సిక వివాహం.. అతిథులెవరో తెలిస్తే.. ఖచ్చితంగా ఆశ్చర్యపోతారు
తన ప్రియుడు సోహైల్ ను యాపిల్ బ్యూటీ హన్సిక వివాహం చేసుకోనుంది. జైపూర్ లోని ఓ రాజకోటలో వీరి వివాహం..
hansika motwani wedding
బాలనటిగా ఇండస్ట్రీలోకి వచ్చి.. అలరించి, దేశముదురు చిత్రంతో హీరోయిన్ గా తెరంగేట్రం చేసిన నటి హన్సిక.. నేడు తన ప్రియుడిని పెళ్లాడనుంది. తన ప్రియుడు సోహైల్ ను యాపిల్ బ్యూటీ హన్సిక వివాహం చేసుకోనుంది. జైపూర్ లోని ఓ రాజకోటలో వీరి వివాహం కుటుంబసభ్యులు, సన్నిహితుల మధ్య అంగరంగ వైభవంగా జరగనుంది. ఈ వివాహ వేడుకకు హన్సిక ప్రత్యేకంగా కొందరు అతిథుల్ని ఆహ్వానించిందట. ఆ అతిథులు ఎవరో పెద్ద సెలబ్రిటీలే అనుకుంటే పొరపాటు. హన్సిక ప్రత్యేకంగా నిరుపేద చిన్నారులను తన వివాహానికి ఆహ్వానించడం విశేషం.
హన్సిక తరచూ సేవా కార్యక్రమాల్లో పాల్గొంటుంది. పలు ఎన్జీవోలతో కలిసి నిరుపేద చిన్నారులకు సాయం చేస్తోంది. ఈ క్రమంలోనే తన వివాహానికి అలాంటి కొందరు చిన్నారులకు సైతం ఆహ్వానాలు పంపించి తన మంచి మనసు చాటుకుంది. పెళ్లికి తమని పిలిచిన హన్సికకు ధన్యవాదాలు చెబుతూ సదరు చిన్నారులు చేసిన ఓ వీడియో ప్రస్తుతం నెట్ లో వైరల్ గా మారింది. ఇక, వివాహ వేదిక పరిసర ప్రాంతాల్లో నివసిస్తున్న చిన్నారులకు హన్సిక ఈ రోజు భోజనాన్ని పంపించనుంది. నిన్న జరిగిన మెహందీ, సంగీత్ వేడుకల్లో నూతన వధూవరులు ఉత్సాహంగా పాల్గొని, ఆడిపాడారు.