Janhvi Kapoor : తిరుమలలో ప్రియుడితో జాన్వీ కపూర్ పుట్టినరోజు పూజలు..

Janhvi Kapoor : అందాల భామ జాన్వీ కపూర్ బర్త్ డే ఈరోజు (మార్చి 6) కావడంతో.. ఆమె ఫ్రెండ్స్ అండ్ ఫ్యామిలీ మెంబెర్స్ తో కలిసి తిరుమల వేంకటేశ్వరుడిని దర్శించుకున్నారు. జాన్వీ గత కొంతకాలంగా మహారాష్ట్ర మాజీ సీఎం సుశీల్‌కుమార్‌ షిండే మనవడు శిఖర్‌ పహారియాతో చనువుగా ఉండడం, ఎక్కడ చూసినా అతనితో కలిసి కనిపిస్తూ వస్తున్నారు. దీంతో వీరిద్దరూ ప్రేమలో ఉన్నారంటూ వార్తలు వినిపిస్తున్నాయి.

ఇటీవల జనవరి న్యూ ఇయర్ టైంలో శిఖర్‌ పహారియాతోనే కలిసి తిరుమలని సందర్శించారు. అంతకుముందు ఇద్దరు కలిసి కొన్ని పూజలు కూడా నిర్వహించారు. ఇక తాజాగా బర్త్ డే నాడు తిరుమలలో ప్రియుడితో కలిసి జాన్వీ కపూర్ తన పుట్టినరోజు పూజలు నిర్వహించారు. ప్రస్తుతం అందుకు సంబంధించిన ఫోటోలు, వీడియోలు నెట్టింట వైరల్ అవుతున్నాయి. కాగా వీరితో పాటు సినీ నటి మహేశ్వరి కూడా ఉన్నారు. ఈమె జాన్వీకి పిన్ని అవుతుంది.

ఇది ఇలా ఉంటే, ఈ బర్త్ డే సందర్భంగా జాన్వీ కొత్త సినిమాల నుంచి అప్డేట్స్ కూడా వస్తున్నాయి. ఈక్రమంలోనే ఎన్టీఆర్ 'దేవర' నుంచి కొత్త పోస్టర్ ని రిలీజ్ చేసారు. అలాగే రామ్ చరణ్ RC16 సినిమాలో జాన్వీనే హీరోయిన్ గా నటించబోతున్నట్లు అఫీషియల్ గా అనౌన్స్ చేస్తూ చిత్ర యూనిట్ పోస్ట్ వేసింది. ప్రస్తుతం ఈ అప్డేట్స్ కూడా నెట్టింట వైరల్ గా మారాయి.