వారెంట్ వచ్చింది.. కానీ అరెస్ట్ కాలేదు : జీవిత రాజశేఖర్

హైదరాబాద్ : ప్రముఖ సినీ నటులు జీవిత, రాజశేఖర్ దంపతులు గరుడవేగ సినిమా కోసం జోష్టర్ ఫిలిం సర్వీసెస్ నుంచి రూ.26కోట్ల అప్పు తీసుకుని ఎగవేసిందంటూ.. రెండ్రోజులుగా ఆరోపణలు వస్తున్నాయి. ఈ ఆరోపణలపై జీవిత స్పందించారు. తమపై వస్తున్న ఆరోపణలపై మీడియాతో మాట్లాడారు. ఓ కేసులో తమకు వారెంట్ వచ్చిన విషయం వాస్తవమే కానీ.. సమన్లు అందలేదని, అందకుండా చేశారని తెలిపారు. తాను అరెస్ట్ కాలేదని స్పష్టం చేశారు. నగరి కోర్టులో ఏడాది పై నుంచి ఈ కేసు నడుస్తుండగా.. ఇప్పుడెందుకు జోష్టర్ ఫిలిం సర్వీసెస్ వారు మీడియా ముందుకు వచ్చారో తమకు అర్థం కావట్లేదన్నారు.