ఆ దర్శకులు రాకపోయినా మాట్లాడతారంట..!

మహేష్ బాబు మహర్షి సినిమా ప్రమోషన్స్ ఊపందుకున్నాయి. నిన్నమొన్నటి వరకు పెద్దగా బజ్ లేని మహర్షి మూవీ మీద హైప్ క్రియేట్ చేసేందుకు మహర్షి టీం భారీ కసరత్తులు చేస్తోంది. పూజా హెగ్డే హీరోయిన్ గా అల్లరి నరేష్ కీరోల్ ప్లే చేస్తున్న ఈ సినిమా మహేష్ కి 25 వ సినిమా కావడం విశేషం. వంశీ పైడిపల్లి దర్శకత్వంలో టాలీవుడ్ బడా నిర్మాతలు నిర్మిస్తున్న ఈ సినిమా విడుదలకు మరో పది రోజుల టైం మాత్రమే ఉంది. అందుకే ప్రమోషన్స్ ని భారీగా మొదలు పెట్టేసింది మహర్షి టీం. ఇప్పటికే మహర్షి సినిమా ప్రీ రిలీజ్ ఈవెంట్ కి గొప్పగా ఏర్పాట్లు చేస్తుంది. ఈ ఈవెంట్ కి మహేష్ తో పనిచేసిన 25 మంది దర్శకులు హాజరయ్యేలా ఏర్పాట్ల చేస్తుందనే ప్రచారం ఉంది.

25 మంది దర్శకులను ఆహ్వానించినా…

మహేష్ మహర్షి ఈవెంట్ లో స్టేజ్ మీది మహేష్ తో 25 సినిమాలు చేసిన దర్శకులు ఉంటే.. మంచి క్రేజ్ వస్తుందని.. అందుకే అలాంటి ఏర్పాట్లని మహర్షి టీం చేపట్టిందని న్యూస్ నడుస్తుంది. కాకపోతే మహేష్ తో పనిచేసిన చాలామంది దర్శకులు ఇప్పుడు సినిమాలతో షూటింగ్ స్పాట్ లో బిజీగా ఉండి రాలేకపోవచ్చని.. అందుకే ఆ 25 మంది దర్శకుల వద్దకు కెమెరాలు పంపి మహేష్ సినిమా చేసేటప్పుడు వారి అనుభవాలను రికార్డ్ చేసి మహర్షి ఈవెంట్ స్టేజి మీద ఆ బైట్లను స్క్రీన్ పై ప్రదర్శిస్తారని తెలుస్తుంది. మరి ఇలా చేసినా మహెష్ అభిమానులకు పండగే.