టబూతో రిలేషన్ షిప్ రూమర్లపై నాగార్జున స్పందన ఇదే !

తాజాగా.. ఓ మీడియా సంస్థకు ఇచ్చిన ఇంటర్వ్యూలో నాగార్జున ఆ రూమర్లను ఖండించారు. టబుకు మీకు ఉన్న రిలేషన్ షిప్ ఎలాంటిదని ప్రశ్నించగా.. నాగార్జున దానిపై క్లారిటీ ఇచ్చారు. ''టబూ నాకు అద్భుమైన స్నేహితురాలు. మా స్నేహం నాకు 21 - 22 ఏళ్లు, టబూకి 16 ఏళ్ల వయసు నుంచే కొనసాగుతోంది. అంటే జీవితంలో సగం కాలం. మా స్నేహం గురించి చెప్పింది చాలా తక్కువ. నేను దాచడానికి ఏమీ లేదు. మీరు ఆమె పేరును పలికారంటే నా మొహం వెలిగిపోతుంది. దాన్ని మీరు ఏదో అనుకుంటే అది మీరు చూసే దృక్పథం నుంచే ఉంటుంది. నా వరకు అయితే ఆమె అందమైన వ్యక్తి. అందమైన ఫ్రెండ్. అది ఎప్పటికీ అలానే ఉంటుంది'' అని తెలిపారు. టబూ అమలకు కూడా మంచి స్నేహితురాలు కావడం గమనార్హం. గతంలో ఓ ఇంటర్వ్యూలో అమలు ఈ విషయాన్ని చెప్పారు.