కత్రినా కైఫ్ - విక్కీ కౌశల్ పై కేసు నమోదు

రాజస్థాన్ లో చౌత్ మాత మందిర్ ఎంతో ప్రఖ్యాతిగాంచింది. నిత్యం భక్తులతో ఆ మందిరం రద్దీగా ఉంటుంది. అయితే వీరి పెళ్లి నేపథ్యంలో మందిర్ కు వెళ్లే రోడ్డును ఈవెంట్ నిర్వాహకులు మూసేశారు. దీంతో స్థానికులు పోలీస్ స్టేషన్ లో ఫిర్యాదు చేశారు. ఎవరో పెళ్లి కోసం గుడికి వెళ్లే దారిని మూసివేయడం ఎంత వరకూ న్యాయమని ఫిర్యాదులో పేర్కొన్నారు. స్థానికుల ఫిర్యాదు మేరకు పోలీసులు కత్రినా - విక్కీ కౌశల్ లపై కేసు నమోదు చేశారు. ఈ కేసుపై స్పందించిన ఈవెంట్ నిర్వాహకులు.. కత్రినా - విక్కీ కౌశల్ ల వివాహం ఎన్నో భద్రతా నియమాల మధ్య జరుగుతుండటంతోనే.. ఆ దారిని మూసివేసినట్లు చెప్పారు.