అనుకోకుండా భలే హిట్ వచ్చిందే

ఎప్పుడెప్పుడా అని ఎదురు చూస్తున్న ‘సైరా నరసింహారెడ్డి’ నిన్న ప్రేక్షకుల ముందుకు వచ్చి బ్లాక్ బస్టర్ టాక్ తో బాక్స్ ఆఫీస్ ని షాక్ చేస్తుంది. మొదటి షో నుంచే పాజిటివ్ టాక్ రావడంతో ఈ సినిమా రికార్డ్స్ బద్దలు కొట్టడం ఖాయం అంటూ మెగా ఫ్యాన్స్ చాలా సంతోషంగా ఉన్నారు. అలానే మరో పక్కన తమన్నా ఫ్యాన్స్ తో పాటు తమన్నా కూడా ఈ సినిమా విషయంలో చాలా సంతోషం గా ఉంది .

మరిన్ని అవకాశాలు…..

సైరాలో ఆమె పాత్ర గురించే అంతా మాట్లాడుకుంటున్నారు. సైరాలో ఆమెది చిన్న పాత్ర అనుకున్నారు రిలీజ్ కి ముందు వరకు. కానీ సినిమాలో తమన్నాకు మంచి సీన్ ఇచ్చారు. పైగా నయనతార లాంటి లేడీ సూపర్ స్టార్ తో కలిసి నటించినప్పటికీ తమన్నా కే పేరు వచ్చింది. నయన్ కన్నా తమన్నా పాత్రకు ఎక్కువ స్క్రీన్ స్పేస్ దక్కడంతో పాటు ఆమెకు క్లైమాక్స్ లో మంచి సీన్స్ పడ్డాయని సినిమా చూసిన ప్రేక్షకులు అభిప్రాయం వ్యక్తం చేస్తున్నారు. టాలీవుడ్ లో సినిమాలు లేని తరుణంలో ఆమెకు సైరా రిజల్ట్ తో మరిన్ని అవకాశాలు వచ్చే అవకాశముంది. కచ్చితంగా సైరా తరువాత ఆమె కెరీర్ మరికొంత కాలం సాగేలా చేసిందనే అభిప్రాయం వ్యక్తం చేస్తున్నారు. మరి చూడాలి ఏం జరుగుతుంది అని.